भोकरदन (जि.जालना) : तालुक्यातील कुंभारी येथे शेतात पेरलेल्या गव्हाला पाणी देण्यासाठी जात असताना पाय घसरून विहिरीत पडल्याने दहावीत शिकणाऱ्या एका सोळा वर्षीय विद्यार्थ्याचा मृत्यू झाला. ही घटना बुधवारी (ता.23) रात्री आठ वाजेच्या सुमारास घडली. आनंद संतोष साळवे (वय 16) असे मृत झालेल्या मुलाचे नाव आहे. मिळालेल्या माहितीनुसार तालुक्यातील कुंभारी येथील संतोष उर्फ मच्छिंद्र साळवे हे त्यांचा मुलगा आनंद याच्यासह बुधवारी रात्री त्यांच्या शेतात पेरलेल्या गव्हाच्या पिकाला पाणी देण्यासाठी जात असताना वाटेतील एका विहिरीत आनंद याचा पाय घसरून तो विहिरीत पडला.
यावेळी संतोष साळवे यांनी आरडाओरड करून लगेच गावातील इतर लोकांची मदत घेतली व तात्काळ त्याला विहिरी बाहेर काढून भोकरदन येथील ग्रामीण रुग्णालयात दाखल केले असता येथील डॉक्टरांनी त्याला तपासून मृत घोषित केले. गुरुवारी (ता.24) शवविच्छेदन करून कुंभारी येथे त्याच्यावर शोकाकुल वातावरणात अंत्यसंस्कार करण्यात आले. या प्रकरणी भोकरदन पोलिसांकडून पंचनामा करण्यात आला असून आकस्मिक मृत्यूची नोंद करण्यात आली आहे.
गावावर शोककळा
आनंद हा भोकरदन येथील न्यू हायस्कूलमध्ये 10 च्या वर्गात शिकत होता. अचानक घडलेल्या या घटनेमुळे गावावर शोककळा पसरली आहे.
संपादन - गणेश पिटेकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
