लातूरात शिक्षकांकडून पदव्यांचे दहन

येथील शिक्षण उपसंचालक कार्यालयासमोर महाराष्ट्र राज्य विना अनुदान कृती समितीच्या वतीने पदवी प्रमाणपत्रांचे यज्ञ करून प्रतिकात्मक दहन करण्यात आले.
येथील शिक्षण उपसंचालक कार्यालयासमोर महाराष्ट्र राज्य विना अनुदान कृती समितीच्या वतीने पदवी प्रमाणपत्रांचे यज्ञ करून प्रतिकात्मक दहन करण्यात आले.

लातूर ः विनाअनुदानित शाळांना शंभर टक्के अनुदान द्यावे या प्रमुख मागणीसह इतर मागण्यांसाठी महाराष्ट्र राज्य विना अनुदान कृती समितीच्या वतीने येथील शिक्षण उपसंचालक कार्यालयासमोर गेल्या तेरा दिवसांपासून धरणे आंदोलन सुरू आहे. यात रविवारी (ता. 18) या शिक्षकांनी यज्ञ करून आपल्या पदव्यांचे प्रतिकात्मक दहन करण्याचे आंदोलन केले. 


विना अनुदान शाळाना शंभर टक्के अनुदान द्यावे, ही प्रमुख मागणी या समितीची आहे. गेल्या अनेक वर्षांपासून सातत्याने समितीच्या वतीने ही मागणी लावून धरली जात आहे. तरी देखील शासन या मागणीकडे दुर्लक्ष करीत आहे.

त्यामुळे या समितीच्या माध्यमातून काही शिक्षकांनी येथील शिक्षण उपसंचालक कार्यालयासमोर ता. पाच ऑगस्टपासून धरणे आंदोलन सुरू केले आहे. यात रविवारी या शिक्षकांनी यज्ञ केला. यात पदवी प्रमाणापत्रांचे प्रतिकात्मक दहन करून शासनाचा निषेध नोंदविला.

या आंदोलनात दिनकर निकम, कनिष्ठ महाविदयालय कृती समितीचे प्रा. मारुती सूर्यवंशी, प्राचार्य गोविंद शिंदे, प्रा. प्रवीण खलंग्रे, ईसमाईल शेख, रवींद्र तम्मेवार, वैजनाथ चाटे, प्रतिभा आरसूळ, अनिता मोठे, व्यंकट गीते, प्रा. नितीन सेलूकर, प्रा. वैजनाथ जाधव, प्रा. विरेश स्वामी, प्रा. बळवंत शिंदे आदी सहभागी झाले होते.  

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com