खड्डा चुकविण्याचा नादात घडला भीषण अपघात, तिघा भावंडांचा जागीच मृत्यू | Parbhani Accident News | Sakal
sakal

बोलून बातमी शोधा

Parbhani Accident News

खड्डा चुकविण्याचा नादात घडला भीषण अपघात, तिघा भावंडांचा जागीच मृत्यू

जिंतूर (जि.परभणी) : जिंतूर शहरापासून तीन किमीच्या अंतरावर असलेल्या अकोली शिवारातील रस्त्यावर खड्डा चुकविण्याचा नादात दुचाकी व ट्रकची झालेल्या भीषण अपघातात दोन सख्ख्या भावासह एका चुलत भावाचा जागीच मृत्यू झाला. ही हृदय हेलवणारी घटना सोमवार (ता.२४) सकाळी १० वाजण्याच्या सुमारास घडली आहे. मृत तिन्ही भावंडे मालेगाव येथील रहिवासी असल्यामुळे (Parbhani) समस्त ग्रामस्थांवर शोककळा पसरली आहे. सदरील भीषण अपघाताविषयी सविस्तर वृत्त असे, की जिंतूर तालुक्यातील मालेगाव येथील ज्ञानोपासक महाविद्यालयात शिक्षण घेत असलेला १८ वर्षीय अभिषेक काशीनाथ म्हेत्रे हा आपल्या १५ वर्षीय योगेश काशीनाथ म्हेत्रे या सख्ख्या भावाला शहरातील जवाहर विद्यालयात सोडण्याकरिता व २० वर्षीय रामप्रसाद विश्वनाथ या चुलत भावाला कामावर सोडण्यासाठी दुचाकीवर (एमएच २६ ए व्ही २८३४) जिंतूरच्या दिशेने निघाला होता.(Three Brothers Died In Accident Near Jintur Of Parbhani)

हेही वाचा: नितेश राणे यांची सिंधुदुर्ग पोलिसांकडून दीड तास चौकशी

अकोली शिवारातील पुलाजवळ खड्डा चुकविण्याचा नादात समोरून भरधाव वेगाने येणाऱ्या ट्रकवर (एमएच १८ बीजी ६२७०) तिघे जण जोरात आदळल्याने ट्रकने तिघांना चेंगरत नेले. सदरील भीषण अपघातात दोन सख्ख्या भावंडांसह एका चुलत भावाचा जागीच मृत्यू झाला. घटनेची माहिती मिळताच घटनास्थळी उपविभागीय पोलीस अधिकारी गोफने, पोलीस निरीक्षक दीपक शिंदे, सहायक पोलिस निरीक्षक गायकवाड, पोलिस काँन्स्टेबल गायकवाड आदींच्या पथकाने मालेगाव ग्रामस्थ नागरिक पांडुरंग मुसळे, तुकाराम थिटे, ज्ञानेश्वर पांचाळ, सामाजिक कार्यकर्ता नागेश आकात व रुग्णवाहिका चालक अरूण घुगे यांच्या मदतीने मृतदेह शासकीय रुग्णालयात दाखल केले आहे. एकाच कुटुंबातील दोन सख्खे व एक चुलत भावंडांचा अपघातात जागीच मृत्यू झाल्याने मालेगावसह परिसरात शोककळा पसरली आहे.

हेही वाचा: Mob-Ion कंपनी आणणार इलेक्ट्रिक स्कूटर, सिंगल चार्जवर धावणार १४० किमी

रस्त्यावर चार वर्षात ४६ कोटी खर्च

जिंतूर (Jintur) -देवगाव फाटा रस्ता दुरुस्तीसाठी मागील चार वर्षात तब्बल ४५.९० कोटी रुपयांचा निधी खर्च करण्यात आला. मात्र सासरे, जावई कंत्राटदारांनी दोनदा रस्त्याचे थातूरमातूर काम केल्याने आजघडीला रस्त्यात ठिकठिकाणी खड्डे व नियमबाह्य गतिरोधक असल्याने सदरील रस्त्यावर अपघाताचे प्रमाण वाढले आहे. खड्डे आणि गतिरोधक दिवसेंदिवस धोकादायक बनत असल्यामुळे अनेकजण मृत्युमुखी पडत असल्याचे उदाहरण सर्वश्रुत आहे.

Web Title: Three Brothers Died In Accident Near Jintur Of Parbhani

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top