Tuljapur News : तुळजापूरात मतदानासाठी आलेल्या ९० वर्षीय महिलेचा मतदानापुर्वी गंभीर अटॅकने मृत्यू!

तुळजापूर : तुळजापूर येथील जिल्हा परिषद शाळेतील प्रभाग क्रमांक आठवर मतदानासाठी आलेल्या 90 वर्षीय महिलेचा मृत्यु मंगळवारी ता.2 दुपारी झाला. तुळजापूरातील जिल्हा परिषद मुलांच्या शाळेतील प्रभाग क्रमांक आठ येथे मतदानासाठी आलेल्या राजश्री संदीपान भोसले (वय 90) राहणार तुळजापूर या दुपारी सव्वा बारा वाजण्याच्या सुमारास मतदान केंद्रावर आल्या होत्या. तेव्हा त्यांना मतदान केंद्रात नातेवाईकांसह मतदान केंद्रात घेऊन जाण्यात आले. त्यावेळी अचानकपणे त्यांना भोवळ आल्यासारखे जाणवले.