परभणी - घातक शस्त्र बाळगनाऱ्या दोन सराईत गुन्हेगारांना स्थानिक गुन्हे शाखेच्या पथकाने मंगळवारी (ता. २९) ताब्यात घेतले. त्यांच्याकडून गावठी पिस्टलसह तलवारी व इतर घातक शस्त्र हस्तगत करण्यात आले आहेत..पोलिस अधिक्षक रविंद्रसिंह परदेशी यांना नांदखेडा (ता. परभणी) येथील सराईत गुन्हेगार शेख खान पठाण हा त्याचे मित्र वापरत असलेल्या काळ्या रंगाच्या स्कॉर्पियो वाहनामध्ये धारदार शस्त्र व गावठी पिस्टल घेवून फिरत असल्याची माहिती मिळाली होती.परदेशी यांनी तातडीने स्थानिक गुन्हे शाखेच्या पथकाला या दोन्ही गुन्हेगारांना तातडीने अटक करावे असे आदेश काढले. स्थानिक गुन्हे शाखेचे पोलिस निरीक्षक विवेकानंद पाटील यांच्या पथकाने नांदखेडा गावातून शेऱ खान पठाण यास मोठ्या शिताफीने ताब्यात घेतले..त्याचा साथीदार हनुमंत रमेश सोनटक्के याला वाणी पिंपळगाव (ता. पालम) येथून काळ्या रंगाच्या स्कॉर्पियो वाहनासह ताब्यात घेण्यात आले. या वाहनाची झडती घेतली असता या वाहनातून एक गावठी पिस्टल, चार जीवंत काडतूसे, ३ तलवारी, १ खंजर, १ गुप्ती, १ कत्ती व १ रॉड असे घातक शस्त्र जप्त करण्यात आले. सदर वाहन देखील पोलिसांनी ताब्यात घेतले आहे.आरोपी शेऱ खान पठाण यांच्यावर चुडावा, नवामोंढा, पूर्णा, परभणी ग्रामीण व नानलपेठ पोलिस ठाण्यात विविध गुन्हे दाखल आहेत. तसेच हनुमंत रमेश सोनटक्के याच्यावर चुडावा पोलिस ठाण्यात गुन्हे नोंद आहेत अशी माहिती पोलिसांनी दिली..या कारवाईत पोलिस अधिक्षक रविंद्रसिंह परदेशी यांच्या मार्गदर्शनाखाली पोलिस निरीक्षक विवेकानंद पाटील, सहायक पोलिस निरीक्षक राजीव मुत्येपोड, फौजदार गोपिनाथ वाघमारे, पोलिस अमलदार मधुकर चट्टे, हनुमंत जक्केवाड, सुग्रीव केंद्रे, निलेश भुजबळ, जमीरोद्दीन फारोखी, रविकुमार जाधव, सूर्यकांत फड, जयश्री आव्हाड, शेख रफीयोद्दीन यांच्यासह परभणी ग्रामीण पोलिस ठाण्याचे फौजदार गडदे, अमलदार कादरी, सायबर विभागाचे गणेश कौटकर यांनी कारवाई केली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.