Udgir News : उदगीरात दोन हजाराची लाच घेताना तलाठी जाळ्यात; उपजिल्हाधिकारी कार्यालयातील घटना

उदगीर: उपविभागीयआधिकारी कार्यालयातील प्रतिनियुक्तीवर असलेले तलाठी उमेश प्रकाश तोडकरी (४२ ) याला बुधवारी (ता.२७) लाचलुचपत प्रतिबंधक विभागाच्या पंचा पथकाने २ हजार रुपयाची लाज घेतातना पंचायत समक्ष रंगेहात पकडण्यात आले.

याबाबत ग्रामीण पोलीस ठाण्यात गुन्हा नोंदवण्याची प्रक्रिया सुरू होती. याबाबत थोडक्यात माहिती अशी की उ तालुक्यातील हणमंतवाडी ( देवर्जन ) ता.उदगीर येथील तक्रारदाराच्या काकुच्या नावे शेतात असलेल्या पाझर तलावासाठी संपादित जमिनीचा मावेजाची रक्कम खात्यावर जमा केल्याचा मोबदला व पुढील अधिकचा मावेजा मिळण्याकरिता अपिलाच्या फाईल मध्ये त्रुटी न काढता पाठवण्यासाठी मदत व मार्गदर्शन करतो

म्हणून आरोपी उमेश प्रकाश तोडकरी (४२ ) रा . गोल्डनवुड्स सोसायटी देगलूर रोड , उदगीर याने तक्रारदारा कडून दोन हजार रुपयेची लाच पंचा समक्ष स्वीकारल्याने त्याला जागीच रंगेहाथ पकडण्यात आले .याबाबत ग्रामीण पोलीस ठाण्यात गुन्हा नोंदवण्याची प्रक्रिया सुरू होती . लाच लुचपत प्रतिबंधक विभागाचे पोलीस निरीक्षक भास्कर पुल्ली यांच्या पथकाने ही कारवाई केली .