Corona Update : उमरग्यात आज २३ पॉझिटिव्हची भर, २४० रुग्णांनी केली कोरोनावर मात 

उमरगा ( उस्मानाबाद) :  उमरगा शहर व ग्रामीण भागात कोरोना संसर्ग वाढत चालला आहे. गेल्या दहा-बारा दिवसात तर दररोज पॉझिटिव्ह रूग्ण दोन अंकी संख्येने येत आहेत. मंगळवारी (ता.चार) पाठविलेल्या तीस स्वॅबचा अहवाल उशीरा म्हणजे गुरुवारी (ता. सहा) सांयकाळी प्राप्त झाला असून त्यात २१ जणांचे अहवाल पॉझिटिव्ह आले आहेत. चाळीस दिवसात रुग्ण संख्या ४८९ पर्यंत पोहचली आहे. 

राष्ट्रीयकृत बँका निवृत्ती वेतनधारकांना देणार घरपोच सेवा  

शहर व तालुक्यात मंगळवारी रात्री २७ पॉझिटिव्ह रूग्ण आढळून आले होते. बुधवारी दुपारी अन्टीजेट टेस्टमध्ये पाच पॉझिटिव्ह आढळून आले होते. मंगळवारी मुरूम येथून पाठविलेल्या स्वॅबपैकी बुधवारी रात्री दोघांचा पॉझिटिव्ह अहवाल आला मात्र उमरगा येथून पाठविलेल्या तीस जणांच्या स्वॅबचा अहवाल प्रलंबित होता तो गुरुवारी सांयकाळी प्राप्त झाला. त्यात २१ जणांचा अहवाल पॉझिटिव्ह आला आहे. त्यात शहरात ३३७ तर ग्रामीणमध्ये १५२  संख्वा झाली आहे. त्यात पंधरा जणांचा मृत्यू झाला असून २४० रुग्ण बरे होवून घरी परतले आहेत. सध्या उपचारासाठी २३४ रुग्ण दाखल आहेत.

मध्यरात्री जिल्हाधिकारी कोवीड वॉर्डात घुसतात तेव्हा... 

शहरातील रूग्ण संख्येत होतेय वाढ

मंगळवारी पाठविलेल्या ३० पैकी २१ जणांचा अहवाल पॉझिटिव्ह आल्याने संसर्गाची गती वाढल्याचे चित्र दिसत आहे. शहरातील सोळामध्ये रामनगर -शिवपूरी पाच, मेन रोड चार, गौतमनगर दोन, एसटी कॉलनी, दत्त कॉलनी, भिमनगर, शिवपुरी रोड येथील प्रत्येकी एक तर पॉझिटिव्ह मध्ये आमदाराच्या भावाचा व उपजिल्हा रुग्णालयातील एका कर्मचाऱ्याचा समावेश आहे.

वडिलांचा त्याग, आईची तगमग...औरंगाबादच्या नेहाने साकारले युपीएससीत यश

ग्रामिणमध्ये कोरेगाव तीन, तर माडजमध्ये दोघे पॉझिटिव्ह आले आहेत. दरम्यान मुरूममध्ये गुरूवारी घेतलेल्या अन्टीजेंटमध्ये दोघे पॉझिटिव्ह आले आहेत. उमरग्यातून बुधवारी पाठविलेल्या २९ स्वॅबचा अहवाल गूरूवारी रात्री उशीरा प्राप्त होईल. तर गुरूवारी ७२ स्वॅब पाठविण्यात आले असून त्याचा अहवाल शुक्रवारी रात्री प्राप्त होईल.

Edit-Pratap Awachar