पाणीपुरवठा प्रकल्पाच्या कामात बिडकिन व परिसरात वाहतुकीचा अडथळा

- रविंद्र गायकवाड

बिडकिन : पाणीपुरवठा प्रकल्पाच्या कामात बिडकिन व परिसरात वाहतुकीचा अडथळा निर्माण होत आहे.यामुळे येत्या दोन ते तीन दिवसांत वाहतुकीला वळण देण्याच्या दृष्टीने आज दि.२० रोजी महाराष्ट्र जीवन प्राधिकरण, कंत्राटदार कंपनी,एस टी महामंडळ वाहतुक,जीव्हीपीआर,

पीव्हीपीआर,पीएमसी,एमजीपी व स्थानिक पोलिस प्रशासन यांच्या वतीने बिडकिन बाजारतळ शेजारी असलेले कृषी उत्पन्न बाजार समिती येथे बसस्थानक हलविण्याबाबत ची बैठक घेत पाहणी करण्यात आली आहे.

सदरची एस टी वाहतूक,जडवाहने आणि इतर वाहतूक हि गावाला वळसा घालून डि.एम.आय.सी.परिसरातुन वाहतुक वळविण्यासाठी च्या रस्त्याची हि पाहणी करण्यात आली आहे.

यावेळी बिडकिन पोलिस ठाणे येथे बैठक संपन्न झाली तसेच यानंतर कृषी उत्पन्न बाजार समिती मैदान,निलजगाव फाटा,शेकटा फाटा,डि.एम.आय.सी निलजगाव रोड ते कौडगाव शिवार पर्यंतच्या परिसर व रोडची पाहणी करण्यात आली आहे.

याबाबत निलजगाव फाटा व शेकटा फाटा या दोन्ही ठिकाणी चॅनल बॅरीकेट्स लावुन एसटी वाहतूक व जड वाहनांना बंदी घालण्यात येणार आहे. तसेच दुचाकी, तीनचाकी, चारचाकी वाहनांना प्रवेश मिळणार असल्याचे सांगितले जात आहे.

यावेळी आज दिनांक २०/०४/२०२४ रोजी पोलीस ठाणे बिडकीन येथे संबंधित विभागाचे अधिकारी व कंत्राटदार मुख्य अभियंता लोलापुर, शशी भुषण कुमार,संजीव शर्मा (जीव्हीपीआर),मदन भगत (पीएमसी), शशीकांत ढवळे (वरीष्ठ अभियंता पीव्हीआर),राम भिलवडे (एमजेपी),

खलील अहमद (कंत्राटदार जीव्हीपीआर),धीरज मुंदडा (पीएमसी),गजानन मडके (डेपो मॅनेजर एसटी महामंडळ), अरविंद जाधव (जीव्हीपीआर), बलराज दाभाडे (जीव्हीपीआर सेफटी मॅनेजर),अक्षय ठाकरे (पीएमसी),दीपक कोळी (अतिरीक्त अभियंता एमजीपी), पोलिस निरीक्षक प्रमोद पाटील,बिडकिन पोलिस ठाणे,माणिक आष्टीकर (बिडकीन बस स्थानक नियंत्रक)नंदकुमार वैद्य व बिडकिन गावकरी यांची उपस्थिती होती.

वाहतुकीचा मार्ग कसा ठरला

पैठण ते छत्रपती संभाजीनगर रोडवरिल बिडकिन गावात इसारवाडी फाटा ते करमाड पर्यंत जड वाहनांची मोठी वर्दळ हि टोल चुकविण्यासाठी चालु आहे.मात्र काही दिवसांपासून वाहनांच्या रांगाच रांगा लागत असल्याने पाणीपुरवठा योजनेच्या कामात मोठा अडथळा निर्माण होत होता यामुळे मुंबई उच्च न्यायालयाच्या आदेशानंतर वाहतूक बदल करण्यात येणार आहे.

सदरची नविन वाहतुकीची मार्ग हा निलजगाव रोड ते डि.एम.आय.सी.परिसर ते कौडगाव शिवार असा राहणार असुन यानंतर वाहतुकीची कोंडी होणार नसल्याचे स्पष्ट केले जात आहे.