महिला महाराष्ट्र प्रीमियर लीग २०२५ स्पर्धेत रविवारी (८ जून) पुणे वॉरियर्स संघाने रत्नागिरी जेट्स संघाविरुद्ध रोमांचक विजय मिळवला. पुणे वॉरियर्सने शेवटच्या चेंडूवर ५ धावांनी विजय मिळवला. रत्नागिरीची कर्णधार स्मृती मानधनाची अर्धशतकी खेळी व्यर्थ ठरली.
या सामन्यात पुणे वॉरियर्सने रत्नागिरी जेट्सला १५२ धावांचे लक्ष्य दिले होते. या लक्ष्याचा पाठलाग करताना रत्नागिरी जेट्सला २० षटकात ८ बाद १४६ धावाच करता आल्या. पुण्याकडून चिन्मयी बोरपाळेने शानदार गोलंदाजी केली.
