सर्वात मोठी बातमी! मुंबई 'निसर्ग' समोर हतबल; 'या' कोविड सेंटरमधील रुग्ण तातडीने हलवण्यास सुरूवात

मुंबई :  वांद्रे कुर्ला संकुलात बांधण्यात आलेल्या कोविड केअर केंद्रातील 150 रुग्णांना इतर ठिकाणी हलविण्यास सुरवात झाली आहे. निसर्ग चक्रीवादळाच्या पार्श्वभुमीवर हा निर्णय घेण्यात आहे.

1882 च्या विनाशकारी 'द ग्रेट बॉम्बे सायक्लॉन' बद्दलची
Inside Story !

अरबी समुद्रात निसर्ग चक्रीवादळ घोंगावत असून पुढील दोन दिवस त्याचा प्रभाव रायगड पासून मुंबई ठाणे  पालघर गुजरातवर राहणार आहे.बुधवारी वार्यांचा वेग ताशी 120 किलोमिटर पर्यंत पोहचणार आहे.त्यामुळे खबरदारीचा उपया म्हणून या रुग्णांना हलविण्यात येत असल्याचे सांगण्यात आले.

मुंबई महानगर प्रदेश प्राधिकरणाने 1 हजार खाटांचे हे केंद्र पालिकेला उभारुन दिले आहे.बीकेसीतील मैदानात उभारण्यात आलेल्या या केंद्रावर पावसाचा कोणताही परीणाम होणार नाही. तसेच 80 ते 100 किलोमिटर वेगाच्या वार्यांमध्ये ही रुग्णालयाचे बांधकाम टिकाव धरेल.मात्र,खबरदारीचा उपाय म्हणून येथून रुग्ण हलविण्यास सुरवात करण्यात आली आहे. आता पर्यंत 60 रुग्णांना हलविण्यात आले आहे

मास्टरप्लॅन! कोरोनाला रोखण्यासाठी मुंबई झोपडपट्टीत पालिकेचा नवा उपक्रम

मुंबई जवळील समुद्रात मंगळवारी आणि बुधवारी वादळी वारेे वाहाणार आहेत.बुधवारी वार्यांचा वेग 120 किलोमिटर पर्यंत पोहचणार आहेे.तसेच जोरदार पावसाचा इशाराही वेधशाळेने वर्तवला आहे.अशात सखल भागामधे पाणी साचल्यास विज पुरवठा खंडीत होण्याची शक्यता आहे.त्यामुळे पालिका आयुक्त इक्बाल सिंह चहल यांनी सर्व रुग्णालयांना जनरेटर तयार ठेवण्याच्या सुचना केल्या आहेत.