चिंताजनक ! ठाणे जिल्ह्यात 24 तासात 37 नवे कोरोनाबाधित, एकूण आकडा 500 पार

सकाळ वृत्तसेवा
शुक्रवार, 24 एप्रिल 2020

ठाणे पालिका हद्दीत शुक्रवारी सर्वाधिक 20 नव्या रुग्णांची नोंद करण्यात आल्यामुळे ठाणेकरांमध्ये चिंतेचे वातावरण निर्माण झाले आहे. तर, कल्याण-डोंबिवली आणि मीरा भाईंदरमध्ये प्रत्येकी सहा आणि नवी मुंबईत पाच नवीन रुग्ण आढळले आहे.

ठाणे :  ठाणे पालिका हद्दीत शुक्रवारी सर्वाधिक 20 नव्या रुग्णांची नोंद करण्यात आल्यामुळे ठाणेकरांमध्ये चिंतेचे वातावरण निर्माण झाले आहे. तर, कल्याण-डोंबिवली आणि मीरा भाईंदरमध्ये प्रत्येकी सहा आणि नवी मुंबईत पाच नवीन रुग्ण आढळले आहे. त्यामुळे ठाणे जिल्ह्यात गेल्या २४ तासात ३७ नवीन रुग्ण आढळले आहेत. जिल्ह्यातील कोरोनाबाधितांचा आकडा 579 वर पोहोचला आहे. 

मोठी बातमी : ऐन लॉक डाऊनमध्ये आता पोलिसांच्या बदल्या... 

ठाण्यात शुक्रवारी 20 नवीन रुग्णांची नोंद करण्यात आल्याने कोरोनाबाधितांची संख्या 198 वर पोहोचली आहे. तर, आतापर्यंत सहा जणांचा मृत्यू झाला आहे. कल्याण, डोंबिवलीत सहा नव्या रुग्णांची नोंद करण्यात आली आहे. त्यामुळे येथील रुग्णांची संख्या 114 वर गेली. तर, नवी मुंबई पालिका क्षेत्रात पाच रुग्णाची नोंद झाली असून तेथील रुग्णांची संख्या 104 इतकी झाली आहे. 

मोठी बातमी : बापरे ! धारावीत नवे 25 कोरोना रुग्ण. कोरोनाची ही चेन तुटणार तरी कधी ? 

मीरा भाईंदरमध्ये सहा नवीन रुग्ण
मीरा भार्इंदरमध्ये सहा नवीन रुग्णांची नोंद झाल्याने कोरोनाबाधितांची संख्या 120 वर पोहोचली आहे. त्यामुळे ठाणे जिल्ह्यातील कोरोनाबाधीतांचा आकडा 579 वर पोहोचला आहे. तर, शुक्रवारी भिवंडी पालिकेसह  ठाणे ग्रामीण, अंबरनाथ, बदलापूर या भागामध्ये एकही नवा रुग्ण आढळून आला नसल्याची माहिती जिल्हा रुग्णालय प्रशासनाने दिली.

नक्की वाचा : Fact Check : किम जोंग ऊन करतोय डॉक्टर बाबासाहेब आंबेडकरांना अभिवादन 

           महापालिका क्षेत्र                            आजची संख्या              एकूण 

  • ठाणे महापालिका                              20                           198
  • कल्याण – डोंबिवली महापालिका         06                           114
  • नवी मुंबई महापालिका                       05                           104
  • मीरा भाईंदर महापालिका                    06                           120
  • भिवंडी महापालिका                            00                             07 
  • उल्हासनगर महापालिका                    00                             02 
  • अंबरनाथ नगरपालिका                       00                            04
  • बदलापूर नगरपालिका                        00                            16
  • ठाणे ग्रामीण                                     00                            16
  • एकूण                                              37                          579

 

 37 new patients in 24 hours in Thane district The number of coronaries reached 579


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: 37 new patients in 24 hours in Thane district The number of coronaries reached 579