रायगड, रत्नागिरी, सिंधुदुर्गसाठीही आता 'एक्सप्रेसवे'ला चालना?

मुंबई ः देवेंद्र फडणवीस मुख्यमंत्री असताना मुंबई - नागपूर समृद्धी महामार्गाची योजना तयार करण्यात आली. आता उद्धव ठाकरे यांच्या नेतृत्त्वाखालील महाविकास आघाडीचे सरकार कोकणात जाण्यासाठी 500 किलोमीटर लांबीचा हरीत कोकण एक्सप्रेस वे तयार करण्याची योजनेस वेग देण्यासाठी प्रयत्नशील आहे. 

महाराष्ट्राचे मुख्य सचिव म्हणून संजय कुमार यांची नियुक्ती...

महाराष्ट्र राज्य रस्ते विकास महामंडळाने कोकणातील या द्रूतगती महामार्गासाठी सल्लागार नेमण्याची सूचना केली आहे. त्यांना यासंदर्भातील अहवाल करण्यास सांगितले आहे. मार्चमध्ये राज्याचे नगर विकास मंत्री एकनाथ शिंदे यांनी राज्याच्या सागरी किनाऱ्या जवळून हा हरित एक्सप्रेसवे बांधणार असल्याचे जाहीर केले होते. तो रायगड, रत्नागिरी, सिंधुदुर्ग जिल्ह्यातून जाईल असे सांगितले होते. 
संकल्पीत एक्सप्रेसवे रायगडमधील चिर्ले येथून सुरु करण्याचा विचार आहे. याच ठिकाणी बावीस किलोमीटर लांबीचा मुंबई ट्रान्स हार्बर पूल रायगडला जोडला जाणार आहे. हा द्रूतगती महामार्ग सिंधुदुर्ग जिल्ह्यतील पत्रादेवीपर्यंत असेल. हे महाराष्ट्र गोवा सीमेवरील गाव आहे. या द्रूतगती महामार्गाने कोकणातील पर्यटनास चालना मिळेल तसेच मुंबई गोवा राष्ट्रीय महामार्गावरील ताण कमी होईल. 

मुंबई परिसरातील बातम्यांचे अपडेट मिळवण्यासाठी येथे क्लिक करा

या द्रूतगती महामार्गासाठी नियुक्त होणारे सल्लागार हा प्रकल्प किती फायदेशीर ठरेल याचबरोबर त्याचा सामाजिक परिणाम काय होईल आणि पर्यावरणावर किती परीणाम होईल याचाही विचार करेल. त्याचबरोबर राज्य सरकारला उत्पन्न मिळण्यासाठी कोणत्या पद्धत उपयुक्त ठरेल, याचीही सूचना करणार आहे. 

राज्य रस्ते विकास महामंडळाने मुंबई - नागपूर समृद्धी महामार्गाचे काम सुरु केले आहे. त्यास 55 हजार कोटी रुपये खर्च अपेक्षित आहे. त्यामुळे मुंबई नागपूर प्रवास आठ तासात होईल. महामंडळाने यापूर्वीच वर्सोवा - वांद्रे सागरी महामार्गाचे काम सुरु केले आहे. त्याचा खर्च सात हजार कोटी आहे. हा मार्ग विरारपर्यत वाढवण्यात येईल. त्यासाठी 24 हजार कोटी खर्च होतील.