Mumbai News : आधी मेडिकल इमर्जन्सी नंतर बॅगेत बॉम्ब असल्याचा दावा; मुंबई विमानतळावर एकच खळबळ

पुण्याहून दिल्लीला जाणाऱ्या एका विमान प्रवासादरम्यान एक धक्कादायक प्रकार समोर आला आहे. पुण्यावरून दिल्लीकडे जाणाऱ्या या विमानात एका प्रवासाच्या छातीत दुखत असल्याची तक्रार केल्याने ते विमान मुंबईत उतरवण्यात आले.मा६ विमानतलावर या प्रवाशाने केलेल्या दाव्यामुळे एकच खळबळ उडाल्याचे पाहयाला मिळाले.

मेडिकल इमर्जन्सीमुळे मुंबईला उतरवण्यात आले होते. या वेळी एका प्रवाशाने त्याच्या बॅगेत बॉम्ब असल्याचा दावा करताच मुंबई विमानतळावर एकच गोंधळ उडाला. यानंतर बीडीडीएस मार्फत बॅगेची तपासणी करण्यात आली. त्यानंतर तपासणीत ही अफवा असल्याच निष्पन्न झाले. शुक्रवार रात्री ही घटना घडली.

मुंबईला उतरताच प्रवाशाकडून त्याच्या बॅगेत बॉम्ब असल्याचा दावा करण्यात आला. बीडीडीएस मार्फत बॅगेची तपासणी केली असता बॅगेत काहीही संशयास्पद आढळले नाही. दरम्यान औषधांच्या अंमलाखाली सदरचा प्रवासी काहीही बरळत असल्याचा सोबत असलेल्या नातेवाईकांकडून दावा करण्यात आला. विमानतळ पोलीस पुढील तपास करत आहेत.