Goregaon Gas Leak: मुंबईतील गोरेगाव येथे गॅस गळतीची घटना; डेअरीमधील कर्मचाऱ्यांना सुरक्षितपणे बाहेर काढण्यात यश; मोठा अनर्थ टळला

मुंबई : गोरेगाव (पूर्व) येथील महानंदा डेअरीत बुधवारी (२३ जुलै) रात्री अमोनिया गॅस गळती झाली. रात्री ९.१२ वाजता ही घटना घडली. कोल्ड स्टोरेजमध्ये एका सिलेंडरमधून गळती झाली होती.

घटनेची माहिती मिळताच मुंबई अग्निशमन दल, पोलीस, १०८ अ‍ॅम्ब्युलन्स, हॅझमॅट युनिट आणि पालिका कर्मचारी घटनास्थळी दाखल झाले. डेअरीतील सर्व कर्मचाऱ्यांना सुरक्षित बाहेर काढण्यात आले.

गॅस गळती नियंत्रित करण्यात आली असून कोणतीही जखम किंवा जीवितहानी झाली नाही. परिस्थिति आता नियंत्रणात आहे.

(बातमी अपडेट होत आहे )