समीर वानखेडे यांच्या केबिनबाहेर बसून होते चंकी पांडे

मुंबई: आर्यन खानच्या (aryan khan) अटकेमुळे ड्रग्ज प्रकरणात (drug case) अनन्या पांडेही (ananya panday) अडचणीत आली आहे. आर्यनने एका अभिनेत्री बरोबर ड्रग्ज संबंधी चॅट केल्याची चर्चा होती. काल NCB ने वांद्रयातील घरी छापा मारल्यानंतर ती अभिनेत्री अनन्या पांडे असल्याचे स्पष्ट झाले. अनन्या प्रसिद्ध अभिनेते चंकी पांडे यांची मुलगी आहे. चंकी पांडे यांनी ९० च्या दशकात बॉलिवूडमध्ये अनेक हिट चित्रपटांमध्ये प्रमुख भूमिका साकारल्या आहेत.

मुख्य नायक, मित्र, भाऊ अशा विविध भूमिका त्यांनी साकारल्या आहेत. त्यामुळे चंकी पांडे हा चित्रपट रसिकांसाठी ओळखीचा चेहरा आहे. काल एनसीबीने वांद्रयातील पांडे यांच्या घरी छापा मारला. त्यानंतर दुपारी मुंबईतील कार्यालयात अनन्याची चौकशी केली. आज सुद्धा अनन्याची एनसीबीकडून चार तास कसून चौकशी करण्यात आली.

ड्रग्ज प्रकरणात मुलीचे नाव आल्यामुळे चंकी पांडे सुद्धा अस्वस्थ आहे. आर्यन बरोबरचा अनन्याचा चॅट एनसीबीकडे आहे. अनन्याची आतमध्ये एनसीबीकडून कसून चौकशी सुरु असताना चंकी पांडे हे समीर वानखेडे यांच्या कार्यालयाबाहेर बसून होते. अभिनेता अरमान कोहलीचा मित्र बाबूभाई कांचवाला यांनी ही माहिती दिली. तपास अधिकारी व्ही.व्ही.सिंह आणि महिला अधिकारी यांच्या उपस्थितीत समीर वानखेडे यांनी अनन्याला काही प्रश्न विचारले. ड्रग्ज प्रकरणात बाबूभाई काचवाला यांना शुक्रवारी एनसीबीने समन्स बजावले होते.