Badlapur Crime : पार्किंगवरून वाद! बदलापुरात दोन गटात तुफान हाणामारी; संपूर्ण घटना CCTV मध्ये कैद

बदलापूर : बदलापूर येथील गांधी चौक परिसरात दोन गटात तुफान हाणामारी झाली आहे. गाडी पार्किंग करण्याच्या वादातून ही हाणामारी झाल्याची प्राथमिक माहिती मिळाली आहे. हाणामारीची ही सगळी घटना सीसीटीव्ही कॅमेरात कैद असून घटनेचा व्हिडिओ सोशल मीडियावर व्हायरल झाला आहे.

गांधी चौक परिसरात एक तरुण गाडी पार्किंग करत असताना शेजारी असलेल्या तरुणांनी त्याला हटकत वाद घातला. वादाचे रुपांतर हाणामारीत झाले. दुसऱ्या गटाच्या सदस्याने आपल्या साथीदारांना बोलवून घेत पुन्हा हाणामारी केली.

दोन्ही गटाकडून ही हाणामारी होत असताना ही सगळी घटना सीसीटीव्ही कॅमेऱ्यात कैद झालीय. दरम्यान या प्रकरणी तक्रार देण्यासाठी कोणीही आलेले नसल्याने बदलापूर पूर्व पोलिसांनी गुन्हा दाखल केला नाही, पोलिसांच्या या भूमिकेमुळे आश्चर्य व्यक्त केले जात आहे.