चेंबूर : चेंबूर येथील चेंबूर मोनो रेल्वे स्थानकाजवळील महात्मा फूले नगर परिसरात आज सकाळी दहा वाजेच्या सुमारास एकमजली घराची बाल्कनी अचानक कोसळल्याने वृद्ध महिला गंभीर जखमी झाली. तुळसाबाई अंभोरे (70) असे महिलेचे नाव असून त्यांच्यावर राजावाडी रूग्णालयात अतिदक्षता विभागात उपचार सुरू आहेत.
तुळसाबाई या आपल्या दोन मुले, सुन, नातवंडासह या परिसरात राहतात. आज सकाळी घरातून बाहेर जात असतानाच अचानक जीर्ण झालेली घरापुढील बाल्कनी त्यांच्या अंगावरच कोसळली. माहिती मिळताच अग्निशमन दल आणि महापालिकेच्या कर्मचाऱ्यांनी घटनास्थळी धाव घेत मलबा हटवण्याचे काम सुरू केले.
महात्मा फूले नगर परिसरात झोपड्पट्टीचे पुनर्वसनाचे काम हाती घेण्यात आले होते. त्यासाठी 15 मार्चरोजीच रहिवासी घरे खाली करणार होते. परंतु कोरोनामुळे विकासकाकडून करण्यात येणारे हे काम रखडल्याने अखेर आज येथील एक धोकादायक घराचा भाग कोसळल्याचे रहिवाशांनी सांगितले आहे.
आणखी घरे कोसळण्याचा धोका
महात्मा फूले नगर परिसरातील जवळपास सर्व घरे 70 वर्षे जुनी असल्याचे स्थानिकांनी सांगितले आहे. सततच्या संततधारेमुळे ही घरे आणखी कमकुवत होत आहे व कोणीही डागडुजी करत नसल्याने परिसरात आणखी घरे कोसळण्याची भीती स्थानिकांनी व्यक्त केली आहे.
-------------------------------------
( संपादन - तुषार सोनवणे )
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.