दिवंगत बप्पी लाहरींच्या नातवाचं आपल्या 'दादू'ला इमोशनल पत्र!

मुंबई : आज्जी-आजोबांचं आपल्या नातवंडांशी असलेलं नात हे नेहमीच खास असतं. याचप्रकारे सात्विक लाहिरीनं देखील आपल्या आजोबांसाठी खास पत्र लिहिलं आहे. सात्विक हा दिवंगत ज्येष्ठ संगीतकार बप्पी लाहरी यांचा नातू असून आजोबांच्या निधनामुळं तो खूपच दुःखी झाला आहे. सात्विकनं लिहिलेलं हे खास पत्र सोशल मीडियात व्हायरलं झालं आहे. (Bappi Lahiri grandson pens emotional note for his dadu on social media)

इन्स्टाग्रामवर सात्विकनं आपल्या दादूसाठी भावना व्यक्त केल्या आहेत. त्यानं म्हटलं की, "मिस यू सो मच दादू, रेस्ट इन पिस... लव्ह यू," या संदेशासह त्यांना आजोबा बप्पी लाहरी यांचा फोटोही पोस्ट केला आहे.

बप्पी लाहरी यांचं मंगळवारी मध्यरात्री निधन झालं, ते ६९ वर्षांचे होते. बिग बॉस १५ मध्ये ते आपल्या नातवासोबत शेवटचे दिसले होते. बच्चा पार्टी या गाण्याच्या प्रमोशनसाठी ते इथं आले होते. यावेळी लाहरी यांना बॉलवूडमध्ये ५० वर्षे झाल्याच्या निमित्तानं सेलिब्रेशनही करण्यात आलं. यावेळी त्यांच्याच 'डिस्को डान्सर' या या गण्यावर त्यांनी डान्सही केला.