Mumbai News : बेस्टमधील २७ आगारातील 57 शौचालयांची स्थिती दयनिय; दुरूस्ती करण्याची केली मागणी

मुंबई - बेस्ट उपक्रमातील 57 आगारातील स्वच्छतागृहांची दुरावस्था झाली आहे. त्यात महिलांसाठी असलेल्या स्वच्छता गृहाची अवस्था वाईट असल्याचे निदर्शनास आले आहे. त्यांची तातडीने दुरुस्ती करण्याचा निर्णय बेस्ट प्रशासनाने घेतला आहे.

अऩेक क्षेत्रांमध्ये महिला आघाडीवर आहेत. मात्र महिलांसाठी योग्य त्या सोयीसुविधा त्या-त्या क्षेत्रांमध्ये नाहीत. मुंबई कॉंग्रेसच्या अध्यक्षा वर्षा गायकवाड यांनी महिलांच्या सुविधांकडे लक्ष वेधले. अग्निशन दलाच्या आणि बेस्ट उपक्रमातील महिलांना सुविधा नाहीत. सद्या असलेल्या सुविधा अपू-या आहेत. बेस्ट उपक्रमाच्या आगारांमध्ये स्वच्छता गृहाची स्थिती दयनिय आहे.

बेस्टच्या कर्मचा-यांसाठी असलेली स्वच्छता गृहे अस्वच्छ आहेत. त्यांची स्वच्छता निट ठेवली जात नाही. त्यामुळे स्वच्छता गृहामध्ये दुर्गंधी असते. त्यामुळे कर्मचा-यांना रोगराई होण्याची भिती आहे. आगारांमध्ये महिलांसाठी असलेल्या स्वच्छता गृहांची अवस्था अत्यंत वाईट असल्याचे वर्षा गायकवाड यांनी स्पष्ट केले आहे. त्यांची तातडीने दुरूस्ती करा अशी मागणी त्यांनी केली आहे.

बेस्टच्या अंतर्गत येणाऱ्या सर्व चौक्या, बस आगार या ठिकाणी महिलांसाठी सर्व सोयीसुविधा उपलब्ध करून देण्यासाठी तातडीने उपापयोजना करा अशी मागणी गायकवाड यांनी केली. बेस्ट प्रशासनाला स्वच्छता गृहांची सुधारणा करण्याचे आदेश बेस्ट प्रशासनाला राज्य सरकारने दिले आहेत. बेस्टमध्ये एकूण ५ हजार ७४३ कंत्राटी चालक आहेत. वाहक १ हजार १९५ आहेत. एकूण ७ हजार २८० पैकी १४२ महिला त्याठिकाणी कार्यरत आहेत.

सर्व महिलांना सुरक्षा देणे ही सरकारची आणि बेस्टची जबाबदारी आहे. मुंबईचे २७ आगार आहेत त्यात ५७ शौचालये ही पुरुषांसाठी व महिलांसाठी ३० स्वतंत्र शौचालये आहेत. त्या शौचालयांमध्ये काही त्रुटी असतील त्या त्रुटी दूर करण्याचे आदेश बेस्ट प्रशासनाने दिले आहेत.