esakal | काँट्रॅक्ट फार्मिंगचा कायदा राज्यात 2006 मध्येच आणला होता, भाजपची शरद पवारांवर टीका
sakal

बोलून बातमी शोधा

काँट्रॅक्ट फार्मिंगचा कायदा राज्यात 2006 मध्येच आणला होता, भाजपची शरद पवारांवर टीका

पंतप्रधान नरेंद्र मोदी यांनी आता आणलेला काँट्रॅक्ट फार्मिंगचा कायदा महाराष्ट्रात आघाडी सरकारने 2006 मध्येच आणला होता, असं अतुल भातखळकर यांनी म्हटलं आहे.

काँट्रॅक्ट फार्मिंगचा कायदा राज्यात 2006 मध्येच आणला होता, भाजपची शरद पवारांवर टीका

sakal_logo
By
कृष्ण जोशी

मुंबई: पंतप्रधान नरेंद्र मोदी यांनी आता आणलेला काँट्रॅक्ट फार्मिंगचा कायदा महाराष्ट्रात आघाडी सरकारने 2006 मध्येच आणला होता. या कायद्यांसाठी ज्येष्ठ नेते शरद पवार कृषीमंत्री असताना राज्यांना पत्र लिहित होते. सुप्रिया सुळे देखील या कायद्यांचे जाहीर समर्थन करीत होत्या, असे भाजप नेते आमदार अतुल भातखळकर यांनी दाखवून दिले आहे. 

अभिनेत्री कंगना राणावत हिला भेटायला राज्यपालांना वेळ आहे, मात्र शेतकऱ्यांसाठी वेळ नाही, अशी टीका पवार यांनी केली आहे. त्याला प्रत्युत्तर देणारा व्हिडिओ भातखळकर यांनी समाजमाध्यमांवर प्रसिद्ध केला असून त्यात त्यांनी पवार यांच्यावर जोरदार टीका केली आहे. 

मुंबई विभागातल्या ताज्या बातम्या वाचण्यासाठी येथे क्लिक करा.

शेतकरी आंदोलनाला राज्यातील शेतकऱ्यांचा पाठिंबा मिळत नाही, म्हणून पवार यांनी राज्यपाल भगतसिंह कोश्यारी यांच्यावर अशी खोटी केल्याचेही भातखळकर यांचे म्हणणे आहे. राज्यपालांकडे गोव्याचा अतिरिक्त कार्यभार असून तेथील विधानसभा सत्राच्या अभिभाषणासाठी राज्यपाल तेथे गेले होते, असेही भातखळकर यांनी दाखवून दिले आहे. 

काँट्रॅक्ट फार्मिंगचा कायदा महाराष्ट्रात 2006 मध्ये राष्ट्रवादी काँग्रेसचा समावेश असलेल्या आघाडी सरकारने आणला होता, हे राज्यातील शेतकऱ्यांना पूर्णपणे ठाऊक आहे. शेतकऱ्याला बंधमुक्त करण्याची आवश्यक्ता का आहे, हे लिहिण्यासाठी शरद पवार यांनी आपल्या आत्मचरित्रात पानंच्या पानं खर्ची घातली आहेत. असं असतानाही पवार या आंदोलनात का सहभागी होत आहेत, हे न कळण्याइतके राज्यातील शेतकरी वा जनता दुधखुळी नाही, असेही भातखळकर यांनी दाखवून दिले आहे. 

हेही वाचा- Mumbai Cold Weather: माथेरानपेक्षा मुंबईतील पारा खाली

केवळ आपली राजकीय पोळी भाजून घेण्याचा प्रयत्न करण्यासाठी पवार या आंदोलनात सहभागी झाले, असाही दावा भातखळकर यांनी केला आहे.

----------------------------------

(संपादन- पूजा विचारे)

bjp mla Atul Bhatkhalkar criticism ncp chief Sharad Pawar farmers protest