मनसेच्या महामोर्चाला भाजपचा पाठिंबा? 

मुंबई : महाराष्ट्र नवनिर्माण सेनेने गोरेगाव येथे नुकत्याच झालेल्या पहिल्या महाअधिवेशनात हिंदुत्वाची भूमिका घेतली आणि झेंड्याचा रंग भगवा करून शिवमुद्रा स्वीकारली. त्यानंतर मनसेप्रमुख राज ठाकरे यांनी पाकिस्तानी व बांगलादेशी घुसखोरांविरोधात 9 फेब्रुवारीला विराट मोर्चा काढण्याची घोषणा केली. या शक्तिप्रदर्शनासाठी मनसेने तयारी सुरू केली असून, मोर्चात भाजपचे कार्यकर्ते सहभागी होण्याची शक्‍यता आहे. 

मोठी बातमी कमळ सोडून हर्षवर्धन पाटील बांधणार शिवबंधन ? हर्षवर्धन पाटील शिवसेनेच्या वाटेवर ?  

मनसे नेत्यांनी मुंबईसह कोकण, पश्‍चिम महाराष्ट्र, मराठवाडा आणि विदर्भातील कार्यकर्त्यांना 9 फेब्रुवारीच्या मोर्चासाठी मोठ्या संख्येने लोकांना घेऊन येण्याचे आदेश दिले आहेत. या मोर्चात लाखो लोक सहभागी व्हावेत, यासाठी मनसे प्रयत्न करत आहे. या मोर्चाच्या माध्यमातून मोठे शक्तिप्रदर्शन करण्याचा मनसेचा मानस असून, नवी राजकीय सुरुवात करताना महामोर्चाद्वारे मुंबईसह महाराष्ट्राच्या राजकारणावर छाप पाडण्याचा प्रयत्न सुरू आहे. 

ही बातमी वाचलीये का... बांगलादेशातील उपासमारीला कंटाळून आलो; सात महिलांना अटक!

हा मोर्चा पाकिस्तानी आणि बांगलादेशी घुसखोरांच्या विरोधात असल्यामुळे राज ठाकरे यांनी एकप्रकारे केंद्र सरकारच्या सुधारित नागरिकत्व कायदा (सीएए) आणि राष्ट्रीय नागरिक नोंदणीला (एनआरसी) पाठिंबा दिल्याचे मानले जाते. त्यामुळे मनसेच्या भूमिकेला पाठिंबा भाजप कार्यकर्ते मोर्चात सहभागी होण्याची शक्‍यता आहे. याबाबत भाजप किंवा मनसेकडून अधिकृत दुजोरा मिळालेला नाही. 

हे सुद्धा वाचा सावधान! नवी मुंबईत डोक्यावर पडतायेत विजेचे खांब

टी-शर्ट व टोप्या 
मनसेच्या महामोर्चासाठी विशेष टी-शर्ट आणि टोप्या बनवण्यात येत आहेत. काळ्या टीशर्टवर 9 आकडा आणि भगव्या टोपीवर शिवमुद्रा असेल. मनसेचे जिल्हाप्रमुख आणि शहरप्रमुखांना टी-शर्ट आणि टोप्या मोठ्या प्रमाणात तयार करण्याचे आदेश देण्यात आल्याचे कळते. 

मनसेचा हा मोर्चा पाकिस्तान आणि बांगलादेशी घुसखोरांच्या विरोधात आहे. राज ठाकरे यांच्या या मताशी सहमत असणारा कुणीही मोर्चात सहभागी होऊ शकतो. हा मोर्चा यशस्वी होण्यासाठी आम्ही प्रयत्न करत आहोत. 
- यशवंत किल्लेदार, विभाग अध्यक्ष, मनसे 

BJP supports MNS's rally?