BMC चा खासगी रुग्णालयाला दिलासा; रुग्णांकडून भरमसाठ बिले आकारल्याने केली होती कारवाई

मुंबई: रुग्णांकडून भरमसाठ शुल्क आकारल्यामुळे माहीममधील खासगी रुग्णालयाचा परवाना निलंबित करण्याचा निर्णय आज मुंबई महापालिकेने मुंबई उच्च न्यायालयात मागे घेतला. त्यामुळे रुग्णालयाला तात्पुरता दिलासा मिळाला आहे.

ठाण्यापेक्षा कल्याण-डोंबिवलीत कोरोनाचे ऍक्‍टिव्ह रुग्ण अधिक  

स्कैडंट इमैजिंग लिमिटेड या कंपनीचे खासगी रुग्णालय असून तेथे कोविड19 वरही उपचार होतात. मात्र व्यवस्थापनाने जादा शुल्क वसूल केले अशा तक्रारी आल्या मुळे पालिकेने तडकाफडकी 30 जुलै रोजी रुग्णालयाचा परवाना एक महिन्यासाठी निलंबित केला. मात्र ही कारवाई नियमानुसार नसल्याचा दावा करत व्यवस्थापनाने न्यायालयात याचिका केली. न्या शाहरुख काथावाला यांच्या खंडपीठापुढे व्हिडीओ कौन्फरन्सिंगद्वारे यावर सुनावणी झाली. या सुनावणी मध्ये महापालिका आयुक्त ही सहभागी झाले होते. महापालिकेने नव्याने नोटीस बजावून नियमानुसार सुनावणीची कारवाई करावी, असे निर्देशही खंडपीठाने दिले. महापालिका प्रशासनाच्या मनमानी कारभाराबाबत तक्रारी आहेत, असे खंडपीठ म्हणाले.

-------------------------------------------------

( संपादन - तुषार सोनवणे )