Mumbai Drain Cleaning Work
ESakal
मुंबई : नालेसफाईवरून आज महापालिकेच्या सभागृहात चांगलाच संताप व्यक्त करण्यात आला. विरोधकांसह सत्ताधाऱ्यांनीही प्रशासनाला चांगलेच धारेवर धरले. '८१ हजार कोटींचा अर्थसंकल्प असलेल्या मुंबईला कंत्राटदार वेठीस धरत आहेत. पण, एक गोष्ट लक्षात ठेवा, ही मुंबई कंत्राटदार नाही, तर आम्ही निवडून आलेले नगरसेवक चालवणार,' अशा आक्रमक शब्दांत सभागृहनेते गणेश खणकर यांनी मिठी नदी आणि नालेसफाईच्या दुरवस्थेवरून महापालिका प्रशासनाला आणि कंत्राटदारांना आव्हान दिले.
