मालाडच्या 'या' भागातील बेकायदा बांधकामांवर महापालिकेचा हातोडा

मुंबई : मालाड (Malad) मधील बेकायदा बांधकामावर (illegal construction) महानगरपालिकेने (BMC) बुलडोझर फिरवण्यास सुरवात केली आहे. गेल्या आठ दिवसात 36 बांधकामांवर कारवाई (Action on illegal construction) करण्यात आली असून यापुढेही ही कारवाई सुरु राहाणार आहे. ( BMC started breaking malad illegal construction-nss91)

मालाड पश्‍चिमेकडील आस्का धारोली गाव,मार्वे पटेल वाडी,मालवणी गाव या भागात काही महिन्यांपासून बेकायदा बांधकामे होत असल्याची तक्रारी येत आहे.भुमाफियांकडून ही बांधकामे करुन ती विकली जातात. सहाय्यक आयुक्त मुकूंद दगडखैर यांनी काही दिवसांपुर्वीच या प्रभागाच्या सहाय्यक आयुक्त पदाची जबाबदारी स्विकारली आहे.त्यांच्याकडेही या तक्रारी आल्या होत्या.त्यानुसार त्यांनी उप अभियंता दीपक शर्मा यांच्यावर बेकायदा बांधकामावर लक्ष ठेवण्याची जबाबदारी दिली होती.

त्यानुसार बेकायदा बांधकामे निश्‍चित झाल्यावर महानगरपालिकेने गेल्या आठ दिवसांपासून कारवाई सुरु करण्यात आली आहे. लॉकडाऊन काळात या भागात मोठ्या प्रमाणात बेकायदा बांधकामे झाली आहेत. प्रामुख्याने मोकळ्या जागेवर तसेच दलदलीच्या जागेवर भरणी टाकून ही बांधकामे केली गेली आहेत.याबाबत वारंवार तक्रारी येत होत्या.पुढील काही दिवस ही कारवाई सुरु राहाणार आहे.