global impact forum-2 reporter conference
sakal
मुंबई - ब्रिक्स देशांमधील सांस्कृतिक, व्यावसायिक सहकार्य जपतानाच स्पर्धा न करता हे सहकार्य वाढवणे हा ‘ग्लोबल इम्पॅक्ट फोरम - २, सिव्हिलायझेशन लेगसी,’ चा उद्देश आहे असे ‘एपी ग्लोबाले’च्या संचालक जान्हवी पवार यांनी आज येथे सांगितले.
महाराष्ट्र सरकार तसेच ‘ब्रिक्स युथ अलायन्स’ यांच्या भागीदारीत हॉटेल ताजमहाल पॅलेसमध्ये पाच व सहा सप्टेंबर रोजी एपी ग्लोबाले आयोजित ‘ग्लोबल इम्पॅक्ट फोरम - २’ हा कार्यक्रम होत आहे. याबाबत आजच्या पत्रकार परिषदेला रशियाचे येथील उपमहावाणिज्यदूत अलेक्झांडर फुरसॉव्ह, उपवाणिज्यदूत मातेव्ही फेटीसोव्ह, ‘व्ही सी ग्रीड फाउंडिंग टीम’चे वंश देसाई आदी उपस्थित होते.
