स्थलांतरितांना प्रवासास मुभा; पण खर्च कोण करणार?

मुंबई : स्थलांतरीत आपल्या राज्यात जाण्यास उत्सुक आहेत. महाराष्ट्र सरकारची त्यांना बसने पाठवण्याचीही तयारी आहे, पण या स्थलांतरितांच्या प्रवासाचा खर्च ते जाणार असलेल्या सरकारने करावा, अशी आग्रही भूमिका महाराष्ट्र सरकारने घेतली आहे. त्यासाठी 'पंजाब मॉडेल'चा आग्रह धरला आहे. 

मोठी बातमी - मुंबईतील प्लाझ्मा थेरेपी केलेल्या 'त्या' रुग्णाने अखेर मिटले डोळे...

महाराष्ट्रात 12 ते 13 लाख स्थलांतरित नागरिक अडकले आहेत. त्यातील सुमारे दहा लाख जण आपापल्या राज्यात जाण्यास उत्सुक आहेत. त्यातील काहींची महाराष्ट्रात परत येण्याची तयारी नाही. त्यामुळे महाराष्ट्र सरकार त्यांना परत पाठवण्यास आहे, पण त्यांचा खर्च कोण करणार, असा प्रश्न निर्माण झाला आहे. या प्रवासात सुरक्षित अंतर ठेवून त्यांना पाठवणे आवश्यक आहे, त्यामुळे बसगाड्यांची संख्या वाढण्यासोबतच प्रवासाचा खर्च वाढण्याचीच शक्यता आहे, असे राज्य सरकारच्या आधिकाऱ्यांनी सांगितले. 

मोठी बातमी ः कोरोना महामारीतही विकृतीदर्शन; पोलिसांनी उचलला कारवाईचा दंडुका 

नांदेडला असलेल्या भक्तांना परत पंजाबला नेण्याची व्यवस्था पंजाब सरकारने केली. कोटात अडकलेल्या महाराष्ट्रातील विद्यार्थ्यांनी राज्य सरकार घेऊन येत आहे. आता हाच फॉर्म्युला अमलात आणण्यात यावा, असे महाराष्ट्र सरकारचे मत आहे. राज्यात उत्तर प्रदेश, बिहार, मध्य प्रदेश, तेलंगणा, आंध्र प्रदेश, ओडिशा, पश्चिम बंगाल तसेच छत्तीसगडमधील स्थलांतरीत आहेत. त्यांना परत पाठवण्याबाबत आम्ही विचार करीत आहोत, असेही काही आधिकाऱ्यांनी सांगितले.

मोठी बातमी ः सावधान! ... अन्यथा मेडिकल दुकाने सील; नियम न पाळल्यास एफडीएने दिला हा इशारा

प्रत्येक राज्याने आपल्या स्थलांतरांतांना घेऊन जावे. त्यासाठी आपल्या राज्यातील परिवहनच्या बस महाराष्ट्रात आणण्यास परवानगी देण्याबाबत विचार सुरु आहे. त्याचवेळी महाराष्ट्राने या राज्यातील स्थलांतरांना त्यांच्या राज्यात सोडण्याची तयारीही दाखवली आहे. यात खर्चाचा प्रश्न आहे. मात्र केवळ आंतर राज्य स्थलांतराचांच नाही. मुंबईत काम करीत असलेल्या, पण ज्यांचे गाव महाराष्ट्रात अन्यत्र आहे त्यांचाही प्रश्न आहे. किमान यांना पाठवण्याच्या हालचाली लवकर सुरु करता येईल का या दिशेनेही विचार सुरु आहे.