प्रसिद्ध ज्वेलर्स त्रिभुवन दास भिमजी झव्हेरीवर ६.५७ कोटी थकवल्याचा आरोप

मुंबई: मुंबईतील (Mumbai) प्रसिद्ध ज्वेलर्स त्रिभुवन दास भिमजी झव्हेरी अँन्ड सन्स (Tribhovandas Bhimji Zaveri & sons) रिटेल प्रा. लि कंपनीच्या डायरेक्टरवर फसवणुकीचा गुन्हा दाखल झाला आहे. मुलुंडमधील (Mulund) भावी ज्वेलर्सचे (bhavi jewellers) हर्ष सुसानिया यांनी दिलेल्या तक्रारीनुसार हा गुन्हा नोंदवण्यात आला आहे.

त्रिभुवन दास भिमजी झव्हेरी अँन्ड सन्स रिटेल प्रा. लि कंपनीच्या डायरेक्टर हेमंत वज्रलाल झव्हेरी आणि गिरीश नायक यांच्याविरोधात हा फसवणुकीचा गुन्हा नोंदवण्यात आला आहे.

मुलुंडच्या भावी ज्वेलर्स मधून सोन्याचे दागिने बनवून घेत, त्यांच्या कामाचे ६.५७ कोटी रुपये न दिल्याचा आरोप हा त्रिभुवन दास भिमजी झव्हेरी अँन्ड सन्स रिटेल प्रा. लि कंपनीच्या डायरेक्टर हेमंत झव्हेरी आणि गिरीश नायक यांच्यावर करण्यात आला आहे. या प्रकरणी मुलुंड पोलिस ठाण्यात गुन्हा नोंदवण्यात आला असून पोलिस अधिक तपास करत आहेत.