नवी मुंबई : सिडकोतर्फे डिसेंबर २०२५ मध्ये जाहीर झालेल्या योजनेची ऑनलाइन संगणकीय सोडत सोमवारी (ता. २०) काढण्यात येणार आहे. या सोडतीमुळे हजारो कुटुंबांचे नवी मुंबईत हक्काच्या घराचे स्वप्न साकार होणार आहे..उच्च न्यायालयाने रिट याचिकामध्ये २५ मार्च २०२६ मध्ये दिलेल्या अंतरिम आदेशाचे तंतोतंत पालन करत, सिडको ही सोडत प्रक्रिया पार पाडत आहे. त्यानुसार सध्या पहिल्या टप्प्यात आर्थिकदृष्ट्या दुर्बल घटकासाठी ही सोडत होत आहे. .LPG Cylinder: झटपट कनेक्शन...जलद, सुरक्षित ‘डिलिव्हरी’! ‘भारत गॅस’कडून ‘लाइट झिप प्रीमियम एलपीजी’ बाजारात .या प्रवर्गातील ८,७९५ सदनिकांसाठी एकूण १०,८३२ अर्जदारांमध्ये ही उत्सुकता वाढवणारी सोडत रंगणार आहे. सिडकोने याही वेळी तंत्रज्ञानाचा वापर केला आहे. त्यामुळे प्रत्येक पात्र अर्जदाराला समान संधी मिळणार असून, सोडतीची विश्वासार्हता जपली गेली आहे..सोडत यादीत नाव आलेल्या यशस्वी अर्जदारांची अंतिम पात्रता ही त्यांच्या कागदपत्रांची छाननी, पात्रता पडताळणी आणि योजनेच्या अटी व शर्तीच्या पूर्ततेनंतरच निश्चित केली जाईल. त्यामुळे पुढील सर्व अद्ययावत माहितीसाठी अर्जदारांनी सिडकोच्या अधिकृत संकेतस्थळाला नियमित भेट द्यावी, असे आवाहन सिडको प्रशासनातर्फे करण्यात आले आहे..Navi Mumbai Crime: नवी मुंबईत खळबळ! शिंदेसेनेच्या महिला नेत्याला अटक, ३ जण फरार; नेमके प्रकरण काय?.सोडत प्रक्रिया यशस्वीरीत्या पूर्ण झाल्यानंतर, भाग्यवान विजेत्यांची यादी सिडकोच्या अधिकृत गृहनिर्माण संकेतस्थळावर प्रसिद्ध केली जाईल. अल्प उत्पन्न गटाच्या घरांबाबत न्यायालयीन प्रक्रियेनंतर पुढील निर्णय अपेक्षित असला, तरी सध्या ईडबल्यूएस प्रवर्गातील हजारो कुटुंबांच्या घरात आनंदाची नवी पहाट उजाडणार हे नक्की..लॉटरीचा निकाल पाहण्यासाठी तसेच पुढील वाटप प्रक्रियेबाबत माहिती जाणून घेण्यासाठी अर्जदारांनी www.cidcohomes.com या संकेतस्थळाला भेट द्यावी, असे आवाहन सिडको प्रशासनाने केले आहे. .सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
