सुरक्षित अंतरासाठी नागरिकांची खासगी वाहनाला पसंती! टू व्हिलर विक्रीला वेग येण्याची आशा

मुंबई ः कोरोना महामारी आणि त्यामुळे आर्थिक संकट आले आहे, पण त्यानंतरही टू व्हिलरची विक्री येत्या काही महिन्यात वाढेल असा अंदाज व्यक्त होत आहे. सुरक्षित अंतर राखण्यासाठी अनेक जण सार्वजनिक वाहनांऐवजी खाजगी वाहनास पसंती देण्याचा विचार करीत आहे, त्यामुळे प्रसंगी सायकलच्याही विक्रीस चालना मिळेल असे मानले जात आहे.

मुंबईची लाईफलाईन पुढच्या आठवड्यात धावणार? सरकार घेणार मोठा निर्णय

कोरोनाचे आक्रमण रोखण्यासाठी अनेक उपाय केले जात आहेत. अनेक जण आपले दैनंदिन जीवन भविष्यात सुरु करण्याबाबत विचार करीत आहेत. त्यातूनच बस, लोकल या गर्दीच्या वाहनातून प्रवास करण्याऐवजी टू व्हिलरवरुन प्रवासाचा जास्त विचार होत आहे. शहर वाहतूकीच्या अभ्यासकही यास दुजोरा देत आहेत.

ऑटोमोबाईल सेक्टर अभ्यासकांचेही हेच मत आहे. त्यांच्या मते आर्थिक परिस्थिती माफक सुधारली तर टू व्हीलरच्या मार्केटमध्ये तेजी येईल असा अंदाज होत आहे. टू व्हिलरबरोबर सायकल तसेच कारच्या विक्रीसही चालना मिळेल असे काहींचे मत आहे. यापूर्वी खाजगी वाहने आरक्षित करुन प्रवास करणारेही आपल्या वाहनास पसंती देण्याची दाट शक्यता आहे. 

लॉकडाऊन कालावधीत वैयक्तिक वाहनांच्या प्रवासास पसंती मिळत असल्याचे संकेत मिळत आहेत. श्रमिक स्पेशल तसेच खास ट्रेन सुरु झाल्यानंतरही काहींनी टू व्हिलरने प्रवास केला होता. एवढेच नव्हे तर अनलॉकनंतरही अनेकांनी सार्वजनिक वाहतूक व्यवस्थेऐवजी वैयक्तिक वाहनास पसंती दिली याकडे लक्ष वेधले जात आहे. 

मुंबईतील बातम्या वाचण्यासाठी येथे क्लिक करा

एवढेच नव्हे तर एका अहवालानुसार टू व्हिलरच्या उत्पादकांनी वाढत्या मागणीस सामोरे जाण्याची तयारी केली आहे. अनेक कंपन्यांनी आपल्या शोरुममध्ये मोठ्या प्रमाणावर विचारणा होत असल्याचे सांगितले. जूनमध्ये नियमीत विक्रीच्या 80 टक्के विक्रीचे उद्दीष्ट जूनमध्ये गाठले जाईल असा अंदाज काही कंपन्यांचे आधिकारी व्यक्त करीत आहेत. जास्त मागणी ग्रामीण तसेच निम शहरी भागात असेल. या भागातून मुख्य शहरात जाण्यासाठी सार्वजनिक वाहतूक व्यवस्थेवर जास्त विसंबून रहावे लागते याकडेही काही जण लक्ष वेधतात.