Lalbaugcha Raja 2023: लालबागच्या राजाच्या मंडपात फ्री स्टाईल हाणामारी; कार्यकर्ते-भाविक आपापसांत भिडले.

राज्यभरात गणेशोत्सवाची अगदी आनंदात आणि उत्साहात सुरू आहे. अशातच मुंबईतील नवसाला पावणारा गणराया म्हणून लालबागच्या राजाच्या दर्शनासाठी राज्याच्या काना-कोपऱ्यातून भाविक येत आहेत. अशातच लालबागच्या राजाच्या मंडपात तुफान गर्दी झाली आहे. त्यावेळी गर्दी अनियंत्रित झाल्यामुळे मंडळाचे पदाधिकारी आणि भाविकांमध्ये प्रचंड हाणामारी झाल्याचे दिसून आले आहे.(Latest Marathi News)

दर्शनासाठी रांगेत असलेल्या भाविकांना मंडळाच्या पदाधिकाऱ्यांकडून मारहाण करण्यात आल्याचा व्हिडीओ समोर आला आहे. हा व्हिडीओ सध्या मोठ्या प्रमाणावर व्हायरल होत आहे.

व्हिडीओ पाहून अनेकजण संताप व्यक्त करीत आहेत. व्हायरल झालेल्या व्हिडीओत दर्शनासाठी रांगेत उभे असलेल्या भाविकांना मंडळाच्या पदाधिकाऱ्यांकडून मारहाण केली असल्याचं दिसून येत आहे. यादरम्यान, मंडपात मोठा गोंधळ देखील निर्माण झाल्याचं दिसून आले.

याआधी दोन दिवसांपूर्वी लालबाग राजाच्या मंडपातील एक व्हिडीओ सध्या सोशल मीडियावर मोठ्या प्रमाणावर व्हायरल झाला होता. दर्शनासाठी रांगेत उभ्या असलेल्या भक्तांमध्ये चेंगराचेंगरी झाल्याचं दिसून येत होतं. यामध्ये महिला आणि लहान मुले देखील गर्दीत असल्याचे दिसून येत आहे. (Marathi Tajya Batmya)

नवसाला पावणारा गणपती अशी ख्याती असलेल्या लालबागचा राजाच्या दर्शनासाठी राज्यभरातून भाविक येत असतात. दर्शनासाठी मोठी गर्दी होते. गणरायाच्या मंडपात सुरक्षेसाठी पोलीस आणि कार्यकर्ते तैनात असतात. पण गर्दी वाढल्यानंतर गर्दी नियंत्रित करणे केवळ अशक्य होतं.