मुख्यमंत्र्यांच्या ठाणे दौऱ्याआधी रस्ते चकाचक, स्वतः एकनाथ शिंदेनी रस्त्यावर उभं राहून करून घेतलं काम

ठाणे : पावसाळा आणि मुंबई ठाण्यातील रस्त्यांवरील खड्डे म्हणजे काही नवीन समीकरण नाही. दरवर्षी पावसात मुंबई आणि ठाण्यात दमदार पाऊस पडतो. अशात तुफान ट्रॅफिकमुळे रस्त्यावर खड्डे की खड्ड्यात रस्ता असा प्रश्न सर्वांच्या मनात उपस्थित होतो. यंदा कोरोना लॉकडाऊनमुळे ठाण्यातील रस्त्यांवर गेल्या वर्षीच्या तुलनेत ट्राफिक कमी होता. कोरोनामुळे सर्व ठप्प असल्याने गेल्या वर्षीच्या तुलनेत यंदा निम्माही ट्राफिक नव्हता असंही बोललं जातंय. मात्र तरीही ठाण्यातल्या रस्त्यांची अक्षरशः चाळण झाल्याचं पाहायला मिळालं. 

यावर काँग्रेसच्या काही नेत्यांनी सर्वात आधी आवाज उठवला होता. गणेश उत्सवाच्या तोंडावर ठाण्यातील खड्डे बुजवले गेले नाहीत तर आम्ही खड्ड्यांसाठी आंदोलन करू असा निर्वाणीचा इशारा ठाणे मनपा आयुक्तांना काँग्रेसने दिलेला होता. 

मोठी बातमी - काँग्रेसचा नेता म्हणतोय, "...तसं झाल्यास एका मिनिटात महाराष्ट्रातील सत्तेतून बाहेर पडू"

त्यानंतर काही खड्डे बुजवलेही गेलेत. मात्र आता उद्धव ठाकरे ठाणे दौऱ्यावर येणार आहेत. या पार्श्वभूमीवर ठाण्यातील काही रस्ते चकाचक झाल्याचं पाहायला मिळतंय. महाराष्ट्राचे मुख्यामंत्री उद्धव ठाकरे ठाण्याच्या दौऱ्यावर येणार आहेत. या पार्श्वभूमीवर मुख्यमंत्री ज्या ज्या रस्त्यावरून जाणार आहेत तिथले खड्डे आता गायब झालेत.

शिवसेनेचे मंत्री एकनाथ शिंदे यांनी स्वतः रस्त्यावर उभं राहून ठाण्यातील रस्त्यांवरील खड्डे बुजवून घेतले आहेत. मात्र मुख्यमंत्री ज्या रस्त्यावरून प्रवास करणार आहेत केवळ त्याच रस्त्यावरील खड्डे बुजवून घेतल्याचंही बोललं जातंय. यामध्ये MMRDA, MSRDC आणि सार्वजनिक बांधकाम विभाग देखील आहे.  

मोठी बातमी - 'निवृत्तीवेतनावर कर्मचाऱ्यांचा मूलभूत अधिकार' म्हणत हायकोर्टाची महत्त्वपूर्ण टिप्पणी

दरम्यान मुख्यमंत्री ज्या रस्त्यावरून जाणार नाही, त्या रस्त्यांवरील काही खड्डे अद्यापही तसेच आहेत. त्यामुळे केवळ मुख्यमंत्र्यांसाठीच खड्डे बुजवले गेलेत का असा प्रश्न आता सामान्य नागरिक उपस्थित करतायत. 

before cm uddhav thackerays thane visit thane pothole problem solved by eknath shinde