CNG-PNG Price Hike : देशात सतत वाढत चाललेल्या महागाईमुळे लोकाच्या खिशाला झळ पोहचत आहे. यादरम्यान देशाची आर्थिक राजधानी मुंबईत महिनाभरात पुन्हा सीएनजी आणि पीएनजीच्या दरात वाढ करण्यात आली आहे. यावेळी सीएनजीच्या दरात 3.50 रुपयांनी तर पीएनजीच्या दरात 1.50 रुपयांची वाढ करण्यात आली आहे. या वाढलेल्या किमती तत्काळ लागू करण्यात आल्या आहेत. इंधनाच्या दरात ही वाढ झाल्याने मुंबईकरांच्या अडचणी वाढणार असल्याचे मानले जात आहे.
लोकांचे बजेट बिघडणार
मिळालेल्या माहितीनुसार, 3 ऑक्टोबर रोजी मुंबईत सीएनजीची किंमत 86 रुपये प्रति किलो होती. त्याच वेळी, पीएनजीची किंमत प्रति एससीएम 52.50 रुपये होती. आता या किमतीत वाढ करून सीएनजीचा दर 89.50 रुपये प्रति किलो आणि पीएनजीचा दर 54 रुपये प्रति एससीएम झाला आहे. सरकारच्या या निर्णयामुळे लोकांचे वाहने चालवणे आणि सार्वजनिक वाहतुक वाहने चालवणे महाग होणार आहे. तसेच पीएनजीच्या किमतीत वाढ झाल्याने त्यांच्या घराचे बजेटही बिघडणार आहे.
सरकारने ऑक्टोबर-नोव्हेंबरमध्ये सलग दोन वेळा सीएनजी-पीएनजीच्या किमती वाढवल्या आहेत. त्यामुळे महागाईचा फटका जनतेला अधिकच बसणार आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.