तक्रारींचे निवारण अंतिम टप्प्यात, प्रशासन म्हणतय वीजबील भरून सहकार्य करा; तुम्ही बिलं भरणार का ?

मुंबई, ता. 14 : लॉकडाऊनच्या कालावधीत वीज ग्राहकांना सरासरी वीज बिले पाठवण्यात आल्याने अनेकांना हजारो रुपयांची बिले आली. याबाबत वीज ग्राहकांनी महावितरणकडे केलेल्या बहुतांश तक्रारींचे निवारण झाले आहे. उर्वरित तक्रारी सोडविण्याचे काम अंतिम टप्प्यात असून नागरिकांनी बिले भरून महावितरणला अखंडित वीज पुरवठा करण्यासाठी सहकार्य करावे करावे, असे आवाहन प्रशासनाने केले आहे.

कोरोना विषाणूचा प्रार्दूभाव रोखण्यासाठी मार्च 2020 रोजी देशात लॉकडाऊन घोषित करण्यात आला. कोरोनाचा प्रार्दुर्भाव असताना देखील महावितरणने ग्राहकांना अखंडित व नियमित वीज पुवठा करून ग्राहकांना घरात राहणे सुसह्य केले. एप्रिल 2020 ते जानेवारी 2021 या दहा महिन्याच्या काळात थकीत वीजबिलापोटी कोणत्याही ग्राहकांचा वीजपुरवठा खंडित केला नाही. 

महत्त्वाची बातमी : तेजस पुन्हा ट्रॅकवर; पहिल्याच दिवशी प्रवाशांचा तुफान प्रतिसाद

राज्यातील 41 लाख 7 हजार घरगुती ग्राहकांसह विविध वर्गवारीतील 80 लाख 32 हजार ग्राहकांनी एप्रिल 20 ते जानेवारी 2021 या दहा महिन्यांच्या काळात एकही वीज बिल भरले नाही. त्यामुळे थकबाकीमध्ये करोडो रूपयांची भर पडली असून महावितरणला प्रचंड मोठया आर्थिक संकटाला सामोरे जावे लागत आहे.

ग्राहकांना अविरत वीजपुरवठा करण्यासाठी दरमहिन्याला वीज खरेदी करावी लागत असून विजेच्या पारेषणवरही मोठा खर्च करावा लागत आहे. ग्राहकांनी थकीत रक्कम न भरल्याने महावितरणला ग्राहकांना अखंडित वीजपुरवठा करण्यासाठी मोठ्या अडचणी निर्माण होण्याची शक्यता आहे.

महत्त्वाची बातमी : गुन्हेगारांच्या पाहाखालची वाळू सरकली; मुंबई पोलिसांचं गेल्या तीन महिन्यातील चौथं ऑपरेशन ऑलआऊट

वीजबिलांच्या एकूण 9 लाख 80 हजार 499 पैकी 9 लाख 33 हजार 324 तक्रारीचे निवारण महावितरणने केले आहे. उर्वरित तक्रारींचे निवारण करण्याची प्रक्रिया देखील अंतिम टप्प्यात आहे. महावितरणची आर्थिक परिस्थिती लक्षात घेवून ग्राहकांनी  आपल्या वीजबिलांचा भरणा करण्याचे आवाहन महावितरणकडून करण्यात येत आहे.

complaint resolving in last phase mahavitaran is asking energy customers to pay electricity bills