सीएए, एनपीआरबाबत काँग्रेसकडून अपप्रचार : डावखरे 

ठाणे : प्रजासत्ताक दिनानिमित्ताने ठाणे शहर जिल्हा भाजपच्यावतीने शहराच्या विविध भागांत भारतीय नागरिकत्व कायदा (सीएए) व राष्ट्रीय लोकसंख्या पुस्तिका (एनपीआर) बाबत जनजागृती करण्यात आली. सीएए, एनपीआरमुळे भारतातील नागरिकांना काहीही त्रास होणार नाही. मात्र, कॉंग्रेससह विरोधी पक्षांकडून अपप्रचार करून पंतप्रधान नरेंद्र मोदी यांच्या सरकारविरोधात हा मुद्दा वापरला जात आहे, असा दावा यावेळी आमदार व भाजपचे शहराध्यक्ष निरंजन डावखरे यांनी केला. कॉंग्रेसच्या काळात एनपीआरची सुरुवात करण्यात आली होती, याकडे त्यांनी लक्ष वेधले. त्यावेळी त्यांनी सीएए व एनपीआरबाबत सविस्तर माहिती दिली. 

प्रजासत्ताकदिनी कल्याणमधील रिंगरुटबाधितांचा एल्गार

शहरात विविध ठिकाणी भारतमातेचे पूजन करण्यात आले. निरंजन डावखरे यांच्या नेतृत्वाखाली झालेल्या जनजागृतीच्या कार्यक्रमांना नागरिकांचा उत्स्फूर्त प्रतिसाद मिळाला. शहरातील रेल्वे स्टेशन, नौपाडा, राम मारुती रोड, उथळसर, वागळे इस्टेट, कळवा, घोडबंदर रोड आदी भागांमध्ये उत्साहात भारतमातेचे पूजन करण्यात आले. तसेच सीएए व एनपीआरबाबत माहिती देण्यात आली.

शरद पवार आमचे विठ्ठल ः संजय राऊत 

नौपाड्यात झालेल्या कार्यक्रमाला आमदार डावखरेंबरोबच ज्येष्ठ अभिनेते रवी पटवर्धन, नगरसेवक सुनेश जोशी, नगरसेविका प्रतिभा मढवी, राजेश मढवी आदी उपस्थित होते. आमदार संजय केळकर, भाजपच्या महिला आघाडीच्या प्रदेशाध्यक्षा माधवी नाईक, संदीप लेले, मुकेश मोकाशी यांनीही भारत पूजनाच्या कार्यक्रमात भाग घेऊन ठिकठिकाणी सीएए, एनपीआरबाबत जनजागृती केली. ठाणे रेल्वे स्टेशनवरील रिक्षा स्टॅंण्डजवळ झालेल्या कार्यक्रमाला रिक्षाचालकांबरोबरच मोठ्या संख्येने प्रवासी उपस्थित होते.