कूपर रुग्णालयात परिचारीकांचा अभाव; आश्वासनानंतर ठिय्या आंदोलन मागे | cooper hospital update | Sakal
sakal

बोलून बातमी शोधा

cooper hospital nurse strike
कूपर रुग्णालयात परिचारीकांचा अभाव; आश्वासनानंतर ठिय्या आंदोलन मागे

कूपर रुग्णालयात परिचारीकांचा अभाव; आश्वासनानंतर ठिय्या आंदोलन मागे

मुंबई : आयसीयूतील 10 रुग्णामागे  1 परिचारिका, जनरल वॉर्ड मध्ये 6 रुग्णामागे एक परिचारीका यामुळे परिचारीकांवर (Nurse) कामाचा ताण येत असून अन्य उपस्थित परिचारिकांवर कामाचा ताण येतो. परिचारीकांची रिक्त पदे भरण्याबाबत कूपर रुग्णालयातील (cooper hospital) नोबेल नर्सिंग युनियनच्या माध्यमातून मंगळवारी मुंबईतील कूपर रुग्णालयाच्या आवारात ठिय्या आंदोलन (Nurse strike) करण्यात आले. दरम्यान, कूपर रुग्णालयाचे अधिष्ठाता डॉ. शैलेश मोहिते (dr shailesh mohite) यांनी यावर तोडगा काढण्याचे आश्वासन दिल्यानंतर आंदोलन मागे घेण्यात आले. (Kooper hospital nurse strike about shortage of nurse employee in hospital)

हेही वाचा: ‘नैना’प्रकल्प रद्द करा अन्यथा आत्‍मदहन करू, शेतकऱ्यांचा इशारा

कूपर रुग्णालयात 183 नर्सिंग स्टाफ आहे. एका परिचारीकेस दोन विंग मध्ये काम करण्याचा दबाव टाकण्यात येतो. त्यामुळे परिचाकांना योग्य रितीने कामाची जबाबदारी पार पडणे शक्य होत नसून यासाठी रिक्त पदे भरण्यात यावी, कोरोना काळातील विलगीकरण रजा मंजूर करावी, दीर्घ काळापासून गैरहजर असणाऱ्या परिचारीकांवर कारवाई करण्यात यावी, रिक्त पदे भरली जात नाही तोपर्यंत नव्याने सुरु केलेले विभाग सध्या बंद ठेवावे.

रिक्त असलेली अधिसेविकाची जागा भरावी, शिकाऊ डॉक्टर कुठल्याही सूचनेचे पालन करत नाही याची रुग्णालय प्रशासनाने दखल घ्यावी अशा विविध मागण्यांकडे लक्ष वेधण्यासाठी रुग्णालयाचे अधिष्ठाता डॉ शैलेश मोहिते यांना पत्र दिले होते. मात्र मागण्यापूर्ण करण्याबाबत रुग्णालय प्रशासन वेळकाढूपणा करत असल्याने मंगळवारी रुग्णालय आवारात ठिय्या आंदोलन करण्यात आल्याचे नोबेल नर्सिंग युनियनच्या प्रतिनिधींनी सांगितले.

दरम्यान, जागा रिक्त असून त्या भरण्याबाबत पाठपुरावा सुरु आहे. रिक्त जागा भरण्याचा निर्णय वरिष्ठ पातळीवर होत असून परिचारीकांच्या मागण्यांवर तोडगा काढण्यासाठी परिचारीकांच्या सहकार्याने समिती स्थापन करण्यात येणार असल्याचे कूपर रुग्णालयाचे अधिष्ठाता डॉ शैलेश मोहिते यांनी सांगितले.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Mumbai NewsNurseStrike
loading image
go to top