मुंबई : मुंबई सेंट्रल येथील नायर रुग्णालयातील दोन अभियंते आणि एका शिपायाला कोरोनाची बाधा झाली आहे. परंतु, एका अभियंत्याला कोरोनाची बाधा झाल्याचे प्रशासनाकडून सांगण्यात आले.
नायर रुग्णालयात सध्या फक्त कोरोना रुग्णांवर उपचार करण्यात येत आहेत. तेथील विजेच्या उपकरणांची देखभाल करण्यासाठी सहा अभियंत्यांची नियुक्ती करण्यात आली आहे. त्यापैकी 33 वर्षीय कनिष्ठ अभियंता, 45 वर्षीय सहायक अभियंता आणि एक शिपाई अशा तिघांना कोरोनाची लागण झाल्याचे समजते. तथापि, रुग्णालय प्रशासनाने मात्र एकाच अभियंत्याला कोरोनाची बाधा झाल्याचा दावा केला.
या अभियंत्यांच्या संपर्कातील व्यक्तींची तपासणी करण्यात आली आहे. त्याचा वावर असलेल्या परिसराचे निर्जंतुकीकरण करण्यात आले आहे, असे एका अधिकाऱ्याने सांगितले. या अभियंत्याला कोरोनाची बाधा नक्की कशामुळे झाली, हे अद्याप समजलेले नाही.
प्रवास, विश्रांतीची सोय हवी
महापालिका अभियंता संघटनेचे अध्यक्ष साईनाथ राजाध्यक्ष यांनी कर्मचाऱ्यांच्या प्रवासाचा मुद्दा उपस्थित केला. मुंबईबाहेर राहाणाऱ्या कर्मचाऱ्यांसाठी महापालिकेने बसगाड्यांची व्यवस्था केली आहे. या बसमधील गर्दीमुळे सोशल डिस्टन्सिंग राखणे शक्य नाही. त्यामुळे महापालिकेने कर्मचाऱ्यांसाठी प्रवासाची आणि विश्रांतीची सोय करावी; तसेच सुरक्षा साधने पुरवावीत, अशा मागण्या राजाध्यक्ष यांनी केल्या आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.