मुंबईत उद्यापासून लसीकरण सुरळीत; 'BMC' कडे लशींचा साठा उपलब्ध

मुंबई :  मुंबईत (Mumbai) उद्यापासून पुन्हा लसीकरण (corona vaccination) पूर्वपदावर येणार आहे. गेल्या तीन दिवसांपासून मुंबईतील अनेक केंद्रांवर लसीचा (insufficient vaccine) अभाव होता. गेल्या आठवड्याच्या शुक्रवारी पालिकेला (bmc) सरकारकडून डोस (dose available) उपलब्ध झाले होते. त्या डोसचा वापर शनिवार ते गुरुवारपर्यंत केला गेला. त्या दरम्यान, मुंबईत एका दिवसांत 2 लाख नागरिकांना लसीकरणाचा टप्पा पार झाला. मात्र, त्यानंतर डोसची पुन्हा कमतरता भासू लागली. त्यानुसार, गुरुवारीही फक्त 39 केंद्रांवर लसीकरण झाले. मात्र, आता पुन्हा पालिकेला लसीचे डोस उपलब्ध झाले असून मुंबईत लसीकरण पूर्वपदावर (vaccination start) येणार आहे.

पालिकेला पुण्यातून एकूण 1 लाख 41 हजार 90 डोस डोस प्राप्त झाले आहेत. त्यात 1 लाख 34 हजार कोव्हिशील्डचे  डोस देण्यात आले असून 07 हजार 90 कोव्हॅक्सिनचे डोस आहेत. जवळपास सर्वच पालिका आणि शासकीय लसीकरण केंद्रावर लसीकरण सुरू राहील. काल रात्री उशिरा पालिकेला लसींचे डोस मिळाले आहेत. त्यानुसार, आज सर्व लसीकरण केंद्रांना लसींचे डोस पुरवले जातील आणि उद्यापासून पुन्हा लसीकरण पूर्ववत होईल असे पालिकेकडून स्पष्ट करण्यात आले आहे.

पालिकेच्या काही लसीकरण केंद्रांकडे गुरुवारपर्यंतचे डोस होते. पण, त्यातही बऱ्याच ठिकाणी लसीकरण बंद होते. तर, गुरुवारी फक्त मोजक्याच ठिकाणी लसीकरण सुरु राहिले. मात्र, आजच पालिकेला लसीचा साठा उपलब्ध झाला असून उद्यापासून पुन्हा पूर्ववत लसीकरण सर्व केंद्रांवर सुरू राहिल असे पालिकेकडून स्पष्ट करण्यात आले आहे.

गेल्या आठवड्यात मिळालेले डोस

1 लाख 50 हजार कोव्हिशील्ड

10 हजार 240 कोव्हॅक्सिन 

 आज मिळालेले डोस

 1 लाख 34 हजार कोव्हिशील्ड

7 हजार 090 कोव्हॅक्सिन

पालिकेला एकूण 1 लाख 41 हजार डोस मिळाले आहेत. मुंबईत लसीचा पुरवठा करण्यात आला असून उद्यापासून पुन्हा सुरळीत लसीकरण होईल, अशी माहिती उपमुख्य कार्यकारी आरोग्य अधिकारी डॉ. संतोष रेवणकर यांनी दिली आहे.