पंचतारांकित ताज हॉटेलमध्ये कोरोनाचा शिरकाव

मुंबई : मुंबईत कोरोनाचा विळखा वाढत असताना दक्षिण मुंबईतील पंचतारांकित ताज महल पॅलेस हॉटेलमध्ये कोरोनाचे रुग्ण आढळले आहेत. ताज हॉटेलमधील सहा कर्मचाऱ्यांना कोरोनाची लागण झाली आहे. या सर्वांवर मुंबईतील एका खासगी रुग्णालयात उपचार सुरू आहेत.

ही बातमी वाचली का? एक हजार जणांना क्वारंटाईन केलं; कुटुंबांसहीत फिरतायेत रस्त्यावर

मुंबई महानगरपालिकेने दिलेल्या माहितीनुसार, ताज महल पॅलेसमधील सहा कर्मचाऱ्यांचे कोरोना तपासणी अहवाल पॉझिटिव्ह आले आहेत. या सर्वांवर खासगी रुग्णालयात उपचार सुरू असून, सर्वांची प्रकृती स्थिर आहे. दरम्यान, या कर्मचाऱ्यांच्या संपर्कात असलेल्या इतर कर्मचाऱ्यांना क्वारंटाईन करण्यात आले आहे. तसेच ताज हॉटेलमध्ये औषध फवारणी केली जात आहे. 

ही बातमी वाचली का? सुरक्षा रक्षकांवर कोरोनाची जबाबदारी

मुंबईमध्ये कोरोनाचे सर्वाधिक रुग्ण असून, एका दिवसात १३८ रुग्णांमध्ये वाढ झाली आहे. त्यामुळे मुंबईतील कोरोनाबाधितांचा आकडा ११८२ वर पोहचला आहे. आतापर्यंत एकट्या मुंबईत कोरोनाची लागण झालेल्या ७५ रुग्णांचा उपचारादरम्यान मृत्यू झाला आहे. दरम्यान, ३० एप्रिलपर्यंत लॉकडाऊन वाढवण्यात आला असल्याची घोषणा मुंख्यमंत्री उद्धव ठाकरे यांनी शनिवारी केली.