खोपोलीत 28 दिवसांसाठी क्वारटांईन केलेले जोडपे पळाले; पोलिसांचा शोध सुरू

खोपोली : दोन  दिवसांपूर्वी पुण्याहून खोपोलीतील कमला रेसिडेन्सी भागातील आपल्या सोसायटीमध्ये परतलेल्या पती-पत्नीची प्राथमिक आरोग्य तपासणी केल्यानंतर नगरपालिका प्रशासनाने त्यांना होम क्वारटांईन केले होते. मात्र हे पती-पत्नी बुधवारी पहाटे सामान घेऊन तेथून पलायन केल्याचे समोर आले आहे. दोघांच्याही हातावर होम कॉरंटाईनचे शिक्के मारण्यात आलेले आहेत.

मुंबईतील महत्वाच्या बातम्या वाचण्यासाठी येथे क्लिक करा

लॉकडाऊनच्या महिनाभरानतंर हे पती-पत्नी पुण्यावरुन खोपोलीतील आपल्या घरी आले होते. दोन दिवस त्यांचा  सोसायटी आवारात मुक्त सचांर चालू असल्याने संबंधित सोसायटीतील सदस्यांनी नगरपालिका प्रशासनाला कळविले. मंगळवारी खोपोली पोलिस व नगरपालिका अधिकाऱ्यांनी या दोघापती-पत्नीची तपासणी करुन त्यांच्या हातावर शिक्के मारुन त्यांना 28 दिवसांकरीता होम क्वारंटाईन केले. परंतु बुधवारी पहाटे साडे पाच वाजण्याच्या सुमारास त्या पती-पत्नीने काही सामान घेऊन घराला कुलुप लावून आपल्या कारने धूम ठोकली असल्याचे समोर आले आहे. 

अधिक आणि सविस्तर बातम्या वाचण्यासाठी ईपेपर वाचा

यातील पत्नी ही शासनाच्या माहिती व प्रसारण विभागात अधिकारी तसेच पती एका खासगी कपंनीत उच्च पदस्थ अधिकारी असल्याचे समजते. असे असतानाही या  सुशिक्षीत जोडप्याने सचांरबंदीचे नियम व कोरोना संबंधित शासनाचे नियम मोडल्याचे स्पष्ट झाले आहे. नगरपालिका प्रशासन व खोपोली पोलिसांकडून आता त्यांचा शोध घेतला जात आहे.

The couple, who were quarantined for 28 days,Escaped from KHOPOLI