कळंबोलीमध्ये आईनेच दिले चिमुकलीस चटके

पनवेल -  मस्ती करते म्हणुन आईने व चुलतीने आपल्या चिमुकलीला मेणबत्तीचे चटके दिल्याची घटना कळंबोली वसाहतीत घडली.

याबाबत कळंबोली पोलिस ठाण्यात मुलीच्या वडिलाने दिलेल्या फिर्यादीनुसार, या दोघींना गुन्हा दाखल करून अटक करण्यात आली. कळंबोली वसाहतीत राहणाऱ्या साक्षी यादव या पाच वर्षीय मुलीसोबत ही घटना घडली. 

साक्षीचे वडील घनश्याम यादव हे भाजीचा व्यवसाय करतात. मुलिबरोबर घडलेली घटना लक्षात येताच यादव यांनी कळंबोली पोलिस ठाणे गाठत पत्नी व भावजयी विरोधात तक्रार केल्याने वरिष्ठ पोलिस निरिक्षक सतीश गायकवाड यांनी तात्काळ अधिनीयम २००० चे कलम ७५ अन्वये गुन्हा केला.