मुंबई : उसने घेतलेले पैसे परत करत नसल्याचा मनात राग ठेऊन प्रेयसीची हत्या करणाऱ्या प्रियकराला अवघ्या आठ तासातच बेड्या ठोकल्या आहेत. या महिलेचा गळा धडावेगळे करून तुकडे गोणीत भरून माहीम रेल्वे स्थानक परिसरात रुळावर फेकून देण्यात आले होते. त्यानंतर पोलिसांनी तपासाची चक्रे वेगाने फिरवून आठ तासांच्या आत आरोपीला जेरबंद केल्याचे जीआरपीचे डीसीपी संदीप भाजीभाकरे यांनी सांगितले. विकास खैरनार असे या आरोपीचे नाव आहे. मृत ३० वर्षीय महिला गोरेगाव-दिंडोशी परिसरातील रहिवासी होती. ती खासगी कंपनीत काम करत होती.
या महिलेने खैरनारकडून उसने पैसे घेतले होते; मात्र पैसे परत करत नसल्याचा राग त्याला होता. पोलिसांनी गोरेगाव येथील पत्त्यावर तपास करताना महिलेच्या कामाच्या ठिकाणाची माहिती घेतली. त्यावरून पोलिसांनी चौकशी करताना सीसीटीव्ही फुटेजची पडताळणी केली. या दरम्यान सॅटेलाईट टॉवर येथे हाऊस किपिंगचे काम करणारा विकास खैरनार याच्यावर संशय आल्याने पोलिसांनी त्याला ताब्यात घेतले. चौकशीदरम्यान विकासने गुन्हा केल्याचे कबुल केले. विकासने २३ मे रोजी महिलेचा गळा चिरून हत्या केली. पुरावा नष्ट करण्याचे उद्देशाने मृतदेह प्लास्टिकच्या तीन गोण्यांत कोंबून तो कचरा असल्याचे भासवत टॉवरच्या बाहेर काढला. रिक्षाने गोरेगाव रेल्वे स्थानक, तेथून चर्चगेट स्लो लोकलने माहीम रेल्वे रुळावर फेकल्याचे त्याने कबूल केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.