जीप आणि रिक्षाच्या धडकेत वृद्धेचा मृत्यू 

शहापूर : शहापूर-किन्हवली मार्गावरील शिलोत्तर गावाजवळ जीप-रिक्षात जोरदार धडक होऊन झालेल्या अपघातात वृद्धेचा जागीच मृत्यू झाल्याची घटना शनिवारी (ता. 7) दुपारी घडली. तालुक्‍यातील किन्हवली, कानडी ग्रामपंचायतीच्या पोटनिवडणुकीसाठी शहापूर तहसील येथून कर्मचारी ईव्हीएम मशीन व आवश्‍यक साहित्य घेऊन जीपद्वारे किन्हवलीकडे निघाले होते.

शिलोत्तर गावाजवळ जीपचा टायर फुटल्याने समोरून येणाऱ्या रिक्षेला जीपची जोरदार धडक बसली. या अपघातात रिक्षामधील अनुसया डोंगरे (72, वाफेपाडा-शहापूर) या महिलेचा मृत्यू झाला; तर विलास गोरे, नाथा डोंगरे, कमळू डोंगरे, दीपक पवार, साक्षी पवार व मनीषा पवार हे सहा जण गंभीर जखमी झाले. या अपघातप्रकरणी किन्हवली पोलिस ठाण्यात गुन्हा दाखल करण्यात आला आहे. 
web title : Death of an elderly women in a jeep and rickshaw crash