Mumbai Crime : दिल्लीतील फॅशन डिझायनरवर मुंबईत बलात्कार, पीडितेच्या व्यावसायिक मित्राकडून विश्वासघात

मुंबई - पर्यटनासाठी मुंबईत आलेल्या दिल्लीतील फॅशन डिझायनरवर तिच्या व्यावसायिक मित्रानेच बलात्कार केल्याची घटना समोर आली आहे. यासंदर्भात खार पोलिसांनी आरोपीविरोधात बलात्काराचा गुन्हा दाखल करण्यात आला असून पोलीस आरोपीचा शोध घेत आहेत.

28 वर्षीय दिल्लीतील फॅशन डिझायनर महिला पर्यटनासाठी मुंबईत आली होती. मुंबईत पहिल्यांदाच आल्याने तिने तिच्या व्यावसायिक मित्राच्या घरी मुक्काम करण्याचा निर्णय घेतला. मुंबईत आल्यावर खार येथे राहणाऱ्या तिच्या व्यावसायिक मित्राच्या घरी महिलेने मुक्काम केला.

मात्र त्याच व्यावसायिक मित्राने तिचा विश्वासघात केला. दरम्यान, घटनेनंतर महिलेने तत्काळ पोलिसात धाव घेत तक्रार दाखल केली. तिच्या तक्रारीनुसार, पोलिसांनी शुक्रवारी आरोपीविरोधात गुन्हा दाखल करून घेतला. परंतु, आरोपी फरार आहे. आरोपीचा शोध घेतला जात असून तपास सुरू करण्यात आल्याची माहिती पोलिसांनी दिली.