मुंबई - सायबर गुन्हे थोपविण्यासाठी मुंबई पोलिस दल सज्ज आहे. सायबर गुन्ह्यांच्या अन्वेषणासाठी जगातील सर्वांत अद्ययावत तंत्रज्ञान, विशेष पोलिस ठाणी, सायबर लॅब मुंबई पोलिसांकडे आहे..याशिवाय प्रभावी जनजागृती, कृत्रिम बुद्धिमत्तेचा वापर करून सायबर गुन्हेगारी थोपविण्याचा प्रयत्न केला जाईल, असा विश्वास मुंबईचे नवनियुक्त पोलिस आयुक्त देवेन भारती यांनी पदभार स्वीकारल्यावर व्यक्त केली.मुंबईचे मावळते पोलिस आयुक्त विवेक फणसाळकर ३५ वर्षांची प्रदीर्घ सेवा बजावल्यानंतर बुधवारी सेवानिवृत्त झाले. त्यानंतर भारती यांनी त्यांच्याकडून आयुक्तपदाची सूत्रे स्वीकारली. त्यानंतर माध्यमांशी बोलताना भारती यांनी शहरातील शेवटच्या व्यक्तीपर्यंत सुरक्षा आणि पोलिस सेवा पुरविण्यास कटिबद्ध असल्याची प्रतिक्रिया दिली. नागरिकांच्या सुरक्षेसाठी सुरू केलेले उपक्रम अधिक बळकट करणे ही प्राथमिकता असल्याचे त्यांनी स्पष्ट केले..कोण आहेत भारती?१९९४ च्या तुकडीचे आयपीएस अधिकारी असलेल्या देवेन भारती यांनी नियुक्तीपासून आतापर्यंतचा बहुतांश काळ मुंबईतच काढला आहे. त्यामुळे मुंबई शहर, येथील गुन्हेगारी प्रवृत्ती, गुन्ह्यांच्या पद्धती, राजकारण आणि कायदा-सुव्यवस्थेशी निगडित प्रश्न आणि उपाययोजनांची त्यांना जाण आहे..राज्य पोलिस दलात नियुक्त झाल्यानंतर सुरुवातीची काही वर्षे विदर्भात कर्तव्य बजावल्यानंतर भारती यांनी मुंबई पोलिस दलातील विशेष शाखेत उपायुक्त, गुन्हे शाखेत उपायुक्त, गुन्हे शाखेचे अतिरिक्त आयुक्त म्हणून काम पाहिले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
