Devendra Fadnavis | पोलिसांनीच शिवसैनिकांना परवानगी दिली, देवेंद्र फडणवीस भडकले | Sakal
sakal

बोलून बातमी शोधा

Devendra Fadnavis

पोलिसांनीच शिवसैनिकांना परवानगी दिली, देवेंद्र फडणवीस भडकले

नवनीत राणा आणि रवी राणा यांनी शिवसेनेवर लक्ष्य साधल्यानंतर मुंबईत घडामोडींना वेग आला आहे. राणा यांच्या पाठिशी उभे असल्याचं भाजपच्या नेत्यांनी याआधीही स्पष्ट केलं. राणा दाम्पत्याला अटक झाल्यानंतर किरीट सोमय्या यांनी त्यांना भेटण्याचा आग्रह धरला. किरीट सोमय्या खार पोलीस स्टेशनला जात असताना त्यांच्या गाडीवर शिवसैनिकांनी हल्ला केला. (Shivsena Attacked on Kirit Somaiya)

गाडीवर फेकलेला दगड थेट सोमय्यांना लागल्याने ते जखमी झाले. यानंतर रात्रभर राजकीय ड्रामा सुरू होता. आता सोमय्यांच्या दिमतीला भाजपने फौज उतरवली आहे. त्याआधी विरोधी पक्षनेते देवेंद्र फडणवीस यांनी महाविकास आघाडी सरकार आणि मुंबई पोलिसांवर निशाणा साधला आहे. (Devendra Fadnavis on Kirit Somaiya Attack)

सोमय्यांना झेड सिक्युरिटी असतानाही पोलिसांनी कोणतीही कारवाई केली नाही. पोलिसांनीच शिवसैनिकांना हल्ल्याची परवानगी दिल्याने हा प्रकार घडला. मला मुंबई पोलिसांची शरम वाटते, असं फडणवीस म्हणाले. (Navneet Rana Vs Shivsena)

हेही वाचा: राणांना सुरक्षा का दिली? राऊत म्हणाले, खासगीत सांगतो

जे लोक या सरकारचे घोटाळे बाहेर काढण्याचा प्रयत्न करतात, त्यांच्यावर असे हल्ले करण्याचं काम सुरू आहे. आम्ही 'इट का जवाब इट से देंगे', असं आव्हान फडणवीसांनी दिलंय. देशात नाव असलेल्या मुंबई पोलिसांनी त्यांची अब्रू घालवली असून राज्यात लोकशाही पायदळी तुडवली जात असल्याचं देवेंद्र फडणवीस यांनी म्हटलंय. सोमय्यांना झेड सिक्युरिटी देण्यात आली आहे. त्यांनी खारला येत असल्याचं अधिकृतपणे सांगितलं होतं. मात्र पोलिसांनी त्यांचं काम केलं नाही, असा आरोप फडणवीसांनी केला.

काय म्हणाले देवेंद्र फडणवीस?

  • पोलिसांनी कोणतीही कारवाई केली नाही

  • शिवसैनिकांना पोलिसांनीच परवानगी दिली

  • गुंडागर्दी सुरू आहे, शरम वाटायला पाहिजे पोलिसांना

  • कायदा आणि सुव्यवस्थेचा बोजवारा आहे

  • रात्रीच्या वेळी एका महिलेला तुरुंगात ठेवता येत नाही

  • सर्वोच्च न्यायालयाचे नियम पायदळी तुडवून नवनीत राणांवर कारवाई झालीय

  • पोलिसांना शरम वाटायला पाहिजे

Web Title: Devendra Fadnavis Alleges Mumbai Police Over Kirit Somaiya Attack By Shivsena

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top