फडणवीसांच्या सल्ल्यावर मुख्यमंत्र्यांचा टोला; मोदी सरकारलाही केलं लक्ष्य

देवेंद्र फडणवीस यांनी आम्हाला फुकटचा सल्ला देऊ नये. विरोधकांनी आरोप करताना जबाबदारीने वागावं, अशा शब्दांत मुख्यमंत्री उद्धव ठाकरे यांनी त्यांना फटकारलं आहे. महाविकास आघाडी सरकारमधील मंत्री संजय राठोड यांच्या राजीनाम्यानंतर मुख्यमंत्री ठाकरे यांनी प्रमुख मंत्र्यांसह मुंबईत पत्रकार परिषद घेतली यावेळी ते बोलत होते. या पत्रकार परिषदेत ठाकरे यांच्यासह उपमुख्यमंत्री अजित पवार आणि सार्वजनिक बांधकाम मंत्री अशोक चव्हाण आदी उपस्थित होते.  

पूजा चव्हाण मृत्यूप्रकरणी मंत्री संजय राठोड यांचा राजीनामा

ठाकरे म्हणाले, "खोटं बोलून सत्तेत आले म्हणून, तुमच्याही सरकारची नोंद होणार आहे हे विरोधकांनी लक्षात ठेवावं. आपली सत्ता नाही म्हणून, महाराष्ट्राची बदनामी करू नये. विरोधकांनी आरोप करताना जबाबदारीनं वागावं. सीमाप्रश्नी विरोधीपक्ष नेते देवेंद्र फडणवीस यांनी आम्हाला फुकटचा सल्ला देऊ नये कारण केंद्रात आणि कर्नाटकात त्यांचंच सरकार आहे."

संजय राठोड प्रकरणावर मुख्यमंत्री पहिल्यांदा बोलले; 'गलिच्छ राजकारण'

महाराष्ट्राच्या हिताचं स्वप्न घेऊन आम्ही पुढे जात आहोत. आपली सत्ता नाही म्हणून महाराष्ट्राची बदनामी करून नका. पूजा चव्हाण आत्महत्याप्रकरणी विरोधक आदळआपट करून तपासाची दिशा भरकवट आहेत. महाराष्ट्र आणि मुंबई पोलिसांवर अविश्वास दाखवण्याचे काम सध्या विरोधीपक्षाकडून सुरू आहे, असा आरोपही यावेळी मुख्यमंत्र्यांनी केला.