ठाण्यात सेना-मनसेतील 'त्या' वादावर अखेर पडदा 

ठाणे : ठाणे- पालघरचे मनसे जिल्हाध्यक्ष अविनाश जाधव यांच्या अटकेनंतर गेले काही दिवस समाजमाध्यमावर शिवसेना आणि मनसेमध्ये चांगलाच वादंग रंगला होता. मनसेचे समर्थन केले म्हणून मारहाण करून एका तरूणाविरोधात शिवसैनिकांनी नौपाडा पोलिस ठाण्यात गुन्हा देखील दाखल केला. मात्र, आता ऐन गणेशोत्सवाच्या तोंडावर वादविवाद टाळण्यासाठी तसेच, कोरोना आणि सणासुदीचे दडपण पोलिसांवर असल्याने या वादावर पडदा टाकल्याचे अविनाश जाधव यांनी सांगितले. तसेच, उचलून नेणे हा आमचा धंदा नाही. तर, ज्यांनी ज्यांनी आम्हाला त्रास दिला त्यांना उद्देशून ते वक्तव्य केले होते.

नक्की वाचा : सोशल मीडियावर एखाद्याला ब्लॉक करण्यासाठी केंद्राने आदेश द्यावेत; फेसबुकची उच्च न्यायालयाला माहिती

बाळासाहेबांच्या शिवसैनिकांबद्दल नितांत आदर आहे असेही जाधव यांनी प्रसारमाध्यमांशी बोलताना सांगितले. कोव्हिड उपाययोजनेवरून सत्ताधारी शिवसेना आणि प्रशासनाला धारेवर धरणाऱ्या मनसे जिल्हाध्यक्ष अविनाश जाधव यांच्याविरोधात गुन्हा दाखल करून अटक केल्यानंतर शिवसेना विरुद्ध मनसे असे वाक:युदध रंगले होते. त्यातच मनसेच्या समर्थनार्थ समाजमाध्यमावर आक्षेपार्ह टिप्पणी करणाऱ्या मंगेश माने या तरूणाविरोधात गुन्हा दाखल झाला.  

हे ही वाचा : राज्य सरकारच्या आदेशाला ST प्रशासनाकडून केराची टोपली; गर्भवती आणि व्याधीग्रस्तांना कामातून सुट नाहीच

या पार्श्‍वभूमीवर सोमवारी अन्य एका प्रकरणाबाबत नौपाडा पोलिस ठाण्यात आलेल्या अविनाश जाधव यांनी वरिष्ठ पोलिस निरिक्षक अनिल मांगले यांची भेट घेतली. तसेच, गणेशोत्सवात पोलिसांवरील ताण पाहता दोन्ही पक्षांकडून या वादावर पडदा टाकल्याचे सांगितले. जाधव यांनी भेट घेतल्याच्या वृत्ताला निरिक्षक मांगले यांनीही दुजोरा दिला. 

(संपादन : वैभव गाटे)

dispute between shivsena and MNS in thane is calmed down