लाॅकडाऊनमुळे कुत्रा चावण्याच्या घटनांमध्ये घट, मुंबई महापालिकेचा अहवाल

मुंबई - मुंबईकर नेहमीच मुंबईतील भटक्या कुत्र्यांच्या निशाण्यावर असतात. पालिकेकडून मिळालेल्या आकडेवारीनुसार, या वेळी लाॅकडाऊन झाल्याने कुत्रा चावण्याच्या घटनांमध्ये 32 टक्के घट झाली आहे. लॉकडाऊन असूनही, जानेवारी ते सप्टेंबर या काळात दररोज सरासरी 150 मुंबईकर कुत्र्यांचे शिकार झाले आहेत. मात्र, प्राणीमित्रांच्या म्हणण्यानुसार, या वर्षी उपासमार आणि तहान लागल्यामुळे मुक्या जनावरांचे हाल झाले आहेत. 

मुंबईत सोमवारी मराठा समाजाचा आक्रोश मोर्चा; छत्रपती संभाजीराजे राहणार उपस्थित

पालिकेच्या आरोग्य विभागाच्या आकडेवारीनुसार, सप्टेंबर 2019 मध्ये 59,842 लोकांना कुत्र्याने चावा घेतला होता. यावर्षी लॉकडाऊन असूनही सप्टेंबरपर्यंत 41,377 लोकांना कुत्र्याने चावा घेतला आहे. 

आकडेवारीनुसार, कुत्रा चावण्याच्या घटनांमध्ये जवळपास 32 टक्के घट झाली आहे. पालिकेच्या कार्यकारी आरोग्य अधिकारी डॉ. मंगला गोमारे यांनी सांगितले की, लाॅकडाऊनमुळे लोक घराबाहेर पडत नाहीत, कामावरुन उशिरा घरी परत जाणार्या लोकांसोबत या घटना घडत आहेत. नवीन प्रकरणांमध्ये लक्षणीय घट झाली हे चांगले आहे. विशेष म्हणजे लॉकडाऊनमध्ये एप्रिल महिन्यात 3487, मेमध्ये 2860, जून 2816, जुलैमध्ये 2584 लोकांना कुत्र्यांनी चावले आहे. 

सत्ता महाविकास आघाडीची परंतु नेतृत्व शिवसेनाच करणार - संजय राऊत

प्राणी कार्यकर्ते लता परमार यांनी सांगितले की, कुत्रे विनाकारण कोणालाही चावत नाहीत. एकतर ते भुकेलेले असतात, किंवा त्यांची लहान मुले असताना किंवा त्यांच्यावर कोणी हल्ला केला तर ते आक्रमक होतात. लॉकडाऊनमुळे जनावरांना अन्न व पाण्याची सुविधा मिळणे कठीण झाले आहे. काही मुले आणि प्राणीमित्र लॉकडाऊनमध्ये आहार देत होते. परंतु, सोसायटीतील काही लोकांना त्याचीही समस्या होती. मग लोकांनी ही अफवा देखील पसरवली की कुत्र्यांना कोरोना व्हायरस होता. प्राण्यांना प्रेम करणे आणि खाणे आवश्यक असते. जर आपण त्यांच्याबरोबर चांगले राहिलो तर ते आपल्याला चावत नाहीत.

dogs bites due to lockdown 32 percent reduction in dog bites

-----------------------------------------------------

संपादन - तुषार सोनवणे