डोंबिवली : डोंबिवली पश्चिमेतील सुभाष रोड, नवापाडा रस्त्याची अक्षरशः खड्डयांनी चाळण झाली आहे. गेल्या काही दिवसांपासून पावसाने उघडीप दिल्यानंतर देखील या रस्त्यावरील खड्डे हे बुजविण्यात आले नाही. यामुळे त्रासलेल्या नागरिकांनी अखेर सुभाष रोड परिसरात आम्हाला असा सुंदर रस्ता दिल्याबद्दल खासदार, आमदार, नगरसेवक तसेच कल्याण डोंबिवली महानगरपालिका प्रशासनाचे शतशः आभार मानले आहेत. तशा आशयाचे बॅनर या प्रभागात लावण्यात आला असून हे बॅनर चर्चेचा विषय ठरत आहेत.