ब्रॉण्डेड वगैरे काही नको, असेल ते द्या..., कोरोनामुळे ब्रॉण्डेडचे फॅड मोडीत

डोंबिवली : अमुक ब्रॅण्डचे दूध चांगले, आम्ही तमुक ब्रॅण्डचेच बिस्कीट खातो. मसालेही विशिष्ट ब्रॅण्डचेच वापरतो, असे म्हणत ब्रॅण्डेड वस्तू खरेदीकडे अनेकांचा ओढा असतो,  मात्र सध्या कोरोनामुले संचारबंदी सुरू असल्याने जीवनावश्यक वस्तूंचा तुटडवा जाणवत आहे. त्यामुळे ब्रॅंडेड वस्तू सोडाच साध्या दैनंदिन गरजेच्या वस्तू मिळणे कठीण झाले आहे. त्यामुळे "ब्रॅण्डगिरीला" तिलांजली वाहून मिळेल ती वस्तू आपल्या पदरात पाडून घेण्याकडे ग्राहकांचा कल वाढला आहे. 

मोठी बातमी : '८ डिसेंबर 2020 ला संपूर्ण जग होणार COVID19 मुक्त; भारताची तारीख आहे २०...

ब्रेड, दूध, बिस्कीट, मसाले, हळद, नमकीन पदार्थ, तूप, पनीर, बासमती तांदूळ आदी दैनंदिन जीवनात लागणाऱ्या वस्तू खरेदी करताना ग्राहक आपल्या आवडत्या ब्रॅण्डच्या  काहीशा महागड्या वस्तू  खरेदी करण्यास पसंती देत होते. कोरोना विषाणूमुळे माल वाहतूक करणाऱ्या गाड्या व कामगार यांची टंचाई असल्याने त्याचा परिणाम किरकोळ दुकानातील वस्तूंवर झाला आहे. हवे त्या कंपनीचे प्राॅडक्ट मिळणे कठीण झाले आहे. उलटपक्षी  कोणत्याही कंपनीची उपलब्ध असलेली वस्तू झटपट खरेदी करून ग्राहक मोकळे होत आहे. याचा फायदा काही लोकल उत्पादकांनी घेतला असून किरकोळ बाजारात आपली एन्ट्री केली आहे. त्यात हळद, मसाले, चमचमीत पदार्थ, चिक्की, टोस्ट यांचा समावेश आहे. त्यामुळे एरवी तोलून, पारखून निवांत सुरू असलेल्या खरेदीला ब्रेक लागला असून आहे. मिळेल त्या वस्तू खरेदी केल्या जात आहेत. 

नक्की वाचा : मुंबईत धुमाकूळ घालू शकतो कोरोना; १५ तारखेपर्यंत रुग्णांचा आकडा इतक्या जहारांवर जाऊ शकतो

पहिले ग्राहक विशिष्ट कंपनीच्या वस्तूंसाठी दुकानात बराच वेळ घालवत होते. आता वस्तू प्रमाणात असल्याने तोंडातून ब्र ही न काढता हळद , मसालेही लोकल ब्रॅण्डचे खरेदी केले जात आहे. 
- माणिकलाल शहा, दुकानदार 

आता मसाले कोणतेही असले, तरी स्वयंपाक रुचकरच करण्याची सवय अनेक गृहिणींच्या अंगवळणी पडली आहे. पनीरही मिळेल त्या कंपनीचे आणून आता वेगवेगळ्या पनीरच्या रेसिपी मी बनवते. 
- निलाक्षी सावंत, गृहिणी

Don't want anything branded, give it whatever it takes, the corona breaks the fad of branded